ഇംഗ്ലീഷ് പ്രീമിയര്‍ ലീഗില്‍ ലിവര്‍പൂളിന്റെ കിരീട പ്രതീക്ഷകള്‍ക്ക് വലിയ തിരിച്ചടി...
ഇംഗ്ലീഷ് പ്രീമിയര്‍ ലീഗില്‍ ലിവര്‍പൂളിന്റെ കിരീട പ്രതീക്ഷകള്‍ക്ക് വലിയ തിരിച്ചടി. മേഴ്സി സൈഡ് ഡെര്‍ബിയില്‍ എവര്‍ട്ടന്‍ ലിവര്‍പൂളിനെ ഞെട്ടിക്കുന്ന അട്ടിമറി നടത്തി.
ഗൂഡിസന്‍ പാര്‍ക്കില്‍ മറുപടിയില്ലാത്ത രണ്ട് ഗോളുകള്‍ക്കാണ് എവര്‍ട്ടന്‍ നിര്‍ണായക വിജയം പിടിച്ചത്. അവരെ സംബന്ധിച്ചു റെലഗേഷന്‍ സോണിനരികില്‍ നില്‍ക്കുന്നതിനാല്‍ ജയം വലിയ ബൂസ്റ്റാണ്.എവര്‍ട്ടന്റെ ജയത്തിനു മറ്റൊരു സവിശേഷതയും ഉണ്ട്. 14 വര്‍ഷത്തിനു ശേഷമാണ് അവര്‍ സ്വന്തം തട്ടകത്തില്‍ മേഴ്സി സൈഡ് ഡെര്‍ബി വിജയിക്കുന്നത്.
ഇരു പകുതികളിലായാണ് എവര്‍ട്ടന്‍ ഗോളുകള്‍ നേടിയത്. ആദ്യ ഗോള്‍ 27ാം മിനിറ്റില്‍ ജറാഡ് ബ്രാന്‍ത്വൈറ്റ് നേടി. രണ്ടാം ഗോള്‍ ഡൊമിനിക്ക് ക്ലവെര്‍ട് ലെവിന്‍ നേടി. 58ാം മിനിറ്റിലാണ് ഈ ഗോളിന്റെ പിറവി.കഴിഞ്ഞ ദിവസം ചെല്‍സിയെ മറുപടിയില്ലാത്ത അഞ്ച് ഗോളുകള്‍ക്ക് തകര്‍ത്ത ആഴ്സണല്‍ 77 പോയിന്റുമായി ഒന്നാം സ്ഥാനത്ത് കുതിക്കുന്നു.
വെല്ലുവിളി ഇനി മാഞ്ചസ്റ്റര്‍ സിറ്റി മാത്രമാണ്. അവര്‍ക്ക് രണ്ട് കളികള്‍ ബാക്കിയുണ്ട്. രണ്ടും ജയിച്ചാല്‍ സിറ്റി ഒന്നാം സ്ഥാനത്തും ആഴ്സണല്‍ രണ്ടാം സ്ഥാനത്തും എത്തും.
"
https://www.facebook.com/Malayalivartha
