ലോക്സഭാ തിരഞ്ഞെടുപ്പ് പ്രചാരണത്തിന് സംസ്ഥാനത്ത് നാളെ കലാശക്കൊട്ട്. ഇന്ന് സ്ഥാനാര്ഥികളുടെ മണ്ഡലപര്യടനം പൂര്ത്തിയാകും.. കേരളം വിധിയെഴുതുന്നത് വെള്ളിയാഴ്ച
ലോക്സഭാ തിരഞ്ഞെടുപ്പ് പ്രചാരണത്തിന് സംസ്ഥാനത്ത് നാളെ കലാശക്കൊട്ട്. ഇന്ന് സ്ഥാനാര്ഥികളുടെ മണ്ഡലപര്യടനം പൂര്ത്തിയാകും..
കേരളം വിധിയെഴുതുന്നത് വെള്ളിയാഴ്ച. ദേശീയ ശ്രദ്ധയാകര്ഷിച്ച രാഹുല് പിണറായി വാക്പോരാണ് പ്രചാരണത്തിന്റെ അവസാന മണിക്കൂറുകളെ ചൂടുപിടിപ്പിക്കുന്നത്. സ്ഥാനാര്ഥികള് മിക്കവരും പ്രചാരണം തുടങ്ങി ദിവസങ്ങള് കഴിഞ്ഞായിരുന്നു മാര്ച്ച് 16ന് തിരഞ്ഞെടുപ്പ് പ്രഖ്യാപിച്ചത്.
38 ദിവസങ്ങള് കഴിഞ്ഞു. സി.എ.എ യില് തുടങ്ങിയതാണ് പ്രചാരണം. സര്ക്കാരിന്റെ സാമ്പത്തിക പ്രതിസന്ധി, പെന്ഷന് മുടങ്ങിയത്, വിലക്കയറ്റം, മാസപ്പടി, കരുവന്നൂര്, കോണ്ഗ്രസ് നേതാക്കളുടെ കാലുമാറ്റം, കള്ളവോട്ട്, പ്രകടനപത്രിക ഇങ്ങനെ നീളുന്നു പ്രചാരണവിഷയങ്ങള്.
ഏറ്റവും കടുത്ത പോര് നടക്കുന്ന വടകരയിലെ ബോംബ് രാഷ്ട്രീയവും വ്യക്തിഹത്യാ ആരോപണവും സംസ്ഥാനമാകെ പ്രതിധ്വനിച്ചിരിക്കുകയാണ്. നേതാക്കള് നിലവിട്ടതോടെ പ്രചാരണവും ദിശമാറി.
സ്ഥാനാര്ഥികളുടെ മണ്ഡലപര്യടനം ഇന്ന് പൂര്ത്തിയാകും. നാളെ ആവേശക്കൊടുമുടിയില് കലാശക്കൊട്ട്. രാവിലെ മുതല് മണ്ഡലത്തെ ഇളക്കിമറിച്ച് സ്ഥാനാര്ഥികളുടെ റോഡ് ഷോ നടക്കും.
മൂന്നുമണിയോടെ മണ്ഡലകേന്ദ്രങ്ങളില് താളമേളങ്ങളോടെ കൊടികള് വീശി, ബലൂണുകള് പറത്തി പരസ്യപ്രചാരണം അവസാന നിമിഷങ്ങളിലേക്ക് . കൃത്യം അഞ്ചിന് പരസ്യപ്രചാരണം നിര്ത്തുകയും ചെയ്യും.
"
https://www.facebook.com/Malayalivartha