ഭക്ഷ്യ സുരക്ഷാ വകുപ്പിന്റെ നേതൃത്വത്തില് മിന്നല് പരിശോധന... മൂന്നാര്, ചിന്നക്കനാല്, മാങ്കുളം പ്രദേശങ്ങളിലെ 17 സ്ഥാപനങ്ങള്ക്ക് നോട്ടീസ്
കേരളത്തിന്റെ മലനിരയും പച്ചപ്പുമൊക്കെ ആസ്വദിക്കാന് പറ്റിയ ഇടങ്ങളാണ് മൂന്നാറും ചിന്നക്കനാലും വയനാടുമൊക്കെ. പക്ഷേ വിനോദ സഞ്ചാരത്തിന്റെ ഈ സാധ്യതകളെ മറപറ്റി ചില ചതിക്കുഴികളുമുണ്ടെന്ന് ഓര്മ്മിപ്പിയ്ക്കുകയാണ് ഭക്ഷ്യസുരക്ഷ വകുപ്പ്.
അവധിക്കാലത്ത് ഈ മേഖലകളില് തിരക്ക് വര്ധിച്ചതോടെ വിനോദ സഞ്ചാരികള്ക്ക് സുരക്ഷിത ഭക്ഷണം ഉറപ്പാക്കാന് ഭക്ഷ്യ സുരക്ഷാ വകുപ്പിന്റെ നേതൃത്വത്തില് മിന്നല് പരിശോധനകള് നടത്തി. ആദ്യഘട്ടത്തില് മൂന്നാര്, ചിന്നക്കനാല്, മാങ്കുളം പ്രദേശങ്ങളിലെ റിസോര്ട്ടുകളിലും ഭക്ഷണ വില്പന കേന്ദ്രങ്ങളിലുമാണ് ഭക്ഷ്യസുരക്ഷാ വകുപ്പിന്റെ സ്പെഷ്യല് ടാസ്ക് ഫോഴ്സിന്റെ നേതൃത്വത്തില് പരിശോധനകള് നടന്നത്.
മൂന്ന് സ്ക്വാഡുകളുടെ നേതൃത്വത്തില് 102 സ്ഥാപനങ്ങളില് പരിശോധനകള് നടത്തി. നിയമ ലംഘനം കണ്ടെത്തിയ 17 സ്ഥാപനങ്ങള്ക്ക് നോട്ടീസ് നല്കി. ഒരാഴ്ചക്കുള്ളില് ഈ സ്ഥാപനങ്ങളില് വീണ്ടും പരിശോധന നടത്തും. നിയമ ലംഘനം ആവര്ത്തിച്ചാല് കര്ശന നിയമ നടപടികള് സ്വീകരിക്കും. വിനോദ സഞ്ചാരികള് കൂടുതല് എത്തുന്ന വയനാട്, വാഗമണ്, അതിരപ്പിള്ളി ഉള്പ്പടെയുള്ള പ്രദേശങ്ങളിലും പരിശോധന നടത്തും.
സംസ്ഥാന ഭക്ഷ്യ സുരക്ഷാ കമ്മീഷണറുടെ ഏകോപനത്തില് ഭക്ഷ്യ സുരക്ഷാ ജോയിന്റ് കമ്മീഷണര് ജേക്കബ് തോമസ്, ഭക്ഷ്യ സുരക്ഷാ ഡെപ്യൂട്ടി കമ്മീഷണര് അജി എസ്, എഫ് എസ് ഒമാരായ ജോസഫ് കുര്യാക്കോസ്, സ്നേഹ വിജയന്, ആന്മേരി ജോണ്സണ് എന്നിവരുടെ നേതൃത്വത്തിലായിരുന്നു പരിശോധന
https://www.facebook.com/Malayalivartha