സ്ത്രീകള് മാത്രമുണ്ടായിരുന്ന വീട്ടില് കയറി പെട്രോള് ഒഴിച്ച് കത്തിച്ച് കളയുമെന്ന് മോഹനന് ഭീഷണിപ്പെടുത്തിയെന്നാണ് ആരോപണം
വീട്ടമ്മയെ ആക്രമിക്കാന് ശ്രമിച്ച സി.പി.എം ഏര്യാ കമ്മിറ്റി അംഗത്തെ എല്.സി സെക്രട്ടറി മര്ദ്ദിച്ചു. ഇരുവരും തമ്മില് അടിയായതോടെ പാര്ട്ടി ഇടപെട്ടു. സംഭവം അറിഞ്ഞ് പൊലീസ് എത്തിയെങ്കിലും ജില്ലാ നേതാവ് ഇടപെട്ട് അറസ്റ്റ് ഒഴിവാക്കി. സമ്മേളനകാലമായതിനാല് പരാതി നല്കരുതെന്ന് രണ്ട് നേതാക്കള്ക്കും പാര്ട്ടി കര്ശന താക്കീതും നല്കി. കഴിഞ്ഞ ദിവസം വിഴിഞ്ഞം കിടാരക്കുഴി പഴവിളയിലാണ് സംഭവം. നേമം ഏര്യാ കമ്മിറ്റി അംഗവും ബാലരാമപുരം സര്വീസ് സഹകരണസംഘം ജീവനക്കാരനുമായ വി.മോഹനനാണ് സ്വന്തം പാര്ട്ടി പ്രവര്ത്തകരില് നിന്ന് മര്ദ്ദനമേറ്റത്. സ്ത്രീകള് മാത്രമുണ്ടായിരുന്ന വീട്ടില് കയറി വീട്ടമ്മയോട് പെട്രോള് ഒഴിച്ച് കത്തിച്ച് കളയുമെന്ന് മോഹനന് ഭീഷണിപ്പെടുത്തിയെന്നാണ് ആരോപണം.
വീട്ടന്മയുടെ നിലവിളി കേട്ടെത്തിയ നാട്ടുകാര്ക്കെതിരെ തിരഞ്ഞ മോഹനനെ സി.പി.എം.ലോക്കല് കമ്മിറ്റി സെക്രട്ടറി ആദ്യം കൈകാര്യം ചെയ്തു. പരിചയക്കാരിയ പെണ്കുട്ടിയുടെ കുടുംബ പ്രശ്നം പരിഹരിക്കാനാണ് താന് എത്തിയതെന്നാണ് മോഹനന് നാട്ടുകാരോട് പറഞ്ഞെങ്കിലും വീട്ടുകാര് അതു നിക്ഷേധിച്ചു. വാക്കേറ്റത്തിനൊടുവില് വീട്ടമ്മയെ കൊലപ്പെടുത്തുമെന്ന് ഭീഷണിപ്പെടുത്തിയെന്ന് അറിഞ്ഞതോടെയാണ് വിഴിഞ്ഞം സി.പി.എം ലോക്കല് സെക്രട്ടറിയടക്കം സ്ഥലത്തെത്തിയത്. പ്രശ്നം പരിഹരിക്കാന് ശ്രമിക്കുന്നതിനിടയില് എല്.സി സെക്രട്ടറിയെയും മോഹനന് മര്ദിക്കാന് ശ്രമിച്ചു. ഇതോടെ പാര്ട്ടി പ്രദേശിക നേതാക്കള് മോഹനനെ കൈകാര്യം ചെയ്യുകയായിരുന്നു.
പാര്ട്ടി നേതാക്കള് തമ്മിലുള്ള ഏറ്റുമുട്ടലായതിനാല് പൊലീസില് പരാതി നല്കുന്നതില് നിന്ന് ഇരുവിഭാഗത്തെയും നേതാക്കള് ഇടപെട്ട് വിലക്കി. മര്ദ്ദനമേറ്റ മോഹന് പ്രാഥമിക ചികിത്സ നേടിയ ശേഷം വീട്ടില് വിശ്രമത്തിലാണ്. നേമത്തെ സി.പി.എമ്മിന്റ ശക്തനായ നേതാവിനെ മര്ദ്ദിച്ചതില് നടപടി എടുക്കാത്തതില് പ്രവര്ത്തകര് പ്രതിക്ഷേധത്തിലാണ്. തേസമയം പട്ടാപ്പകല് വീട് അതിക്രമിച്ച് കടന്ന് വീട്ടമ്മയെ അക്രമിക്കാന് മുതിര്ന്ന നേതാവിനെതിരെ ജില്ലാ നേതൃത്വത്തിന് പരാതി നല്കാന് ഒരുങ്ങുകയാണ് വിഴിഞ്ഞത്തെ സി.പി.എം പ്രവര്ത്തകര്.
https://www.facebook.com/Malayalivartha
