ദുരൂഹ സാഹചര്യത്തില് പാറയിടുക്കില് കുടുങ്ങിയ നിലയില് കണ്ടയാളെ ഫയര്ഫോഴ്സ് രക്ഷപ്പെടുത്തി
ദുരൂഹ സാഹചര്യത്തില് പാറയിടുക്കില് കുടുങ്ങിയ നിലയില് കണ്ടയാളെ ഫയര്ഫോഴ്സ് രക്ഷപ്പെടുത്തി ആശുപത്രിയില് പ്രവേശിപ്പിച്ചു. പത്തനംതിട്ട ചിറ്റൂര് സീതത്തോട് സ്വദേശി മത്തായി എന്ന് വിളിക്കുന്ന മാത്യൂ(63) നെയാണ് മണിക്കൂറുകള് നീണ്ട പരിശ്രമത്തിനൊടുവില് കോവളത്ത് നിന്ന് രക്ഷപ്പെടുത്തിയത്. കൈക്കും തലക്കും പരിക്കേറ്റ് ഗുരുതരാവസ്ഥയിലായ ഇയാളെ മെഡിക്കല് കോളേജ് ആശുപത്രിയില് പ്രവേശിപ്പിച്ചു.
കോവളം ഹൗവ്വാ ബീച്ചിന് സമീപം ഏറെ അപകടം നിറഞ്ഞ പാറക്കൂട്ടത്തിനിടയില് അബോധാവസ്ഥയില് ഒരാള് കുടുങ്ങിക്കിടക്കുന്ന വിവരം ഇന്നലെ രാവിലെ ഒന്പതരയോടെ അതു വഴി ചൂണ്ടയിടാന് പോയവരുടെ ശ്രദ്ധയില്പ്പെടുകയായിരുന്നു. അവര് വിവരം ടൂറിസം പോലീസിനെ അറിയിച്ചു. ലൈഫ് ഗാര്ഡുമാരുടെ സഹായത്തോടെ പോലീസ് ഏറെ നേരം പരിശ്രമിച്ചെങ്കിലും മാത്യൂവിനെ പുറത്തെടുക്കാനായില്ല. തുടര്ന്ന് വിഴിഞ്ഞം ഫയര്ഫോഴ്സില് വിവരമറിയിച്തോടെ .സ്റ്റേഷന് ഓഫീസര് ഗില്ബര്ട്ടിന്റെ നേതൃത്വത്തിലെത്തിയ ഫയര്ഫോഴ്സ സംഘം വടത്തിന്റെ സഹായത്തോടെ ഇറങ്ങി സാഹസികമായി രക്ഷപ്പെടുത്തി. ആള്ക്കാര് കൂടുതല് കടന്നു ചെല്ലാത്ത പാറയിടുക്കില് ഇയാള് എങ്ങനെയെത്തിയെന്നത് പോലീസ് അന്വേഷിക്കുന്നുണ്ട്.
വസ്ത്രങ്ങളും ആധാര് ഉള്പ്പെടെയുള്ള രേഖകളും കരയില് മടക്കി സൂക്ഷിച്ചിരുന്നു.ഇതില് നിന്നാണ് അപകടത്തില്പ്പെട്ടയാളെ പോലീസ് തിരിച്ചറിഞ്ഞത്. ഇയാളെ കഴിഞ്ഞ ദിവസം മുതല് കാണാനില്ലെന്ന പരാതി ചിറ്റാര് സ്റ്റേഷനില് ഉള്ളതായും ബന്ധുക്കളെ വിവരം അറിയിച്ചിട്ടുണ്ടെന്നുംകോവളം പോലീസ് പറഞ്ഞു.ലീഡിംഗ് ഫയര്മാന് രാജശേഖരന്,െ്രെഡവര് പി. രാജശേഖരന് സജിന് ജോസ്, ലൈജു ,പ്രശാന്ത്, ഗോപകുമാര്, ലൈഫ് ഗാര്ഡുമാരായ റോജിന് ഗോമസ്, വിര്ജിന്, അനില്കുമാര്, മര്ക്കോസ്, സിസില് പെരെ ര, ടൂറിസം പോലീസുകാരനായ ദിലീപ് എന്നിവരുടെ നേതൃത്വത്തിലാണ് രക്ഷാപ്രവര്ത്തനം നടന്നത്.
https://www.facebook.com/Malayalivartha
