കാമുകനുമായുളള ബന്ധത്തെ എതിര്‍ത്ത ദമ്പതികളെ വളര്‍ത്തുമകള്‍ കൊലപ്പെടുത്തി. വഡോദരയിലാണ് സംഭവം. ശ്രീഹരി വിനോദ്, ഭാര്യ സ്‌നേഹ എന്നിവരാണ് കൊല്ലപ്പെട്ടത്. ജീവനെക്കാള്‍ സ്‌നേഹിച്ച് ഇവര്‍ വളര്‍ത്തിയ 16കാരിയാണ് ഒടുവില്‍ ഇവര്‍ക്ക് പട്ടട തീര്‍ത്തത്.
വിവാഹം കഴിഞ്ഞ് ഏറെ നാള്‍ കഴിഞ്ഞിട്ടും മക്കളില്ലാതിരുന്ന വിനോദും ഭാര്യയും ഈ കുട്ടിയെ ദത്തെടുക്കുകയായിരുന്നു.
ആറുമാസം പ്രായമുള്ളപ്പോള്‍ തങ്ങള്‍ക്കു കിട്ടിയ മകളെ അല്ലലറിയിക്കാതെയാണ് ഇവര്‍ വളര്‍ത്തിയത്. 16 വയസുള്ള മകള്‍ക്ക് ഒരു കാമുകന്‍ ഉണ്ടെന്നറിഞ്ഞപ്പോള്‍ ഈ മാതാപിതാക്കളുടെ ഉള്ളുകാളിയത് സ്വഭാവികം. പെണ്‍കുട്ടിയ്ക്ക് കാമുകനുമായുളള ബന്ധത്തെ ചോദ്യം ചെയ്തതാണ് ദമ്പതികളുടെ കൊലപാതകത്തിന് ഇടയാക്കിയത്. കാമുകനായുള്ള ബന്ധം അവസാനിപ്പിക്കണമെന്നാവശ്യപ്പെട്ട മാതാപിതാക്കളുടെ ജീവിതം അവസാനിപ്പിക്കാന്‍ വളര്‍ത്തുമകള്‍ തീരുമാനിക്കുകയായിരുന്നു.

ഭക്ഷണത്തില്‍ അമിതമായ അളവില്‍ ഉറക്കഗുളിക കലര്‍ത്തിയാണ് കൃത്യം നടത്തിയത്. മൃതദേഹത്തില്‍ കത്തികൊണ്ട് കുത്തുകയും ചെയ്തു. ശേഷം മൃതദേഹം ഉപേക്ഷിക്കാനായിരുന്നു തീരുമാനം. എന്നാല്‍ ആ പദ്ധതി നടന്നില്ല. അതിനാല്‍ മൃതദേഹം വീട്ടില്‍ സൂക്ഷിക്കുകയും ആസിഡൊഴിച്ച് കരിയ്ക്കാന്‍ ശ്രമിക്കുകയും ചെയ്തു. ആ ശ്രമവും ഫലം കണ്ടില്ല. ദിവസങ്ങള്‍ കഴിഞ്ഞപ്പോള്‍ മൃതദേഹങ്ങള്‍ അഴുകി രൂക്ഷമായ ദുര്‍ഗന്ധം വമിക്കാന്‍ തുടങ്ങി. ദമ്പതികളെ കാണാനില്ലെന്ന ബന്ധുവിന്റെ പരാതിയെത്തുടര്‍ന്നെത്തിയ പോലീസിനോട് പെണ്‍കുട്ടി എല്ലാ കുറ്റവും ഏറ്റു പറയുകയായിരുന്നു. കൊലപാതകത്തിന് സഹായിച്ച കാമുകനേയും പെണ്‍കുട്ടിയേയും പോലീസ് അറസ്റ്റ് ചെയ്തു.
മകളെ സ്‌നേഹിക്കുന്നതുകൊണ്ടാണ് ആ മാതാപിതാക്കള്‍ പ്രണയത്തെ എതിര്‍ത്തത്. എന്നാല്‍ ഈ മകള്‍ ചെയ്ത ക്രൂരതയോ ? അനാഥമായിത്തീരേണ്ടിയിരുന്ന ബാല്യത്തെ നെഞ്ചോടു ചേര്‍ത്തു വളര്‍ത്തിയ നന്‍മയ്ക്കു കിട്ടിയ പ്രതിഫലം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha