എല്ലാ പുരുഷന്മാരും റേപ്പിസ്റ്റാണെന്ന് താന്‍ പറഞ്ഞിട്ടില്ലെന്ന് നടിയും സംവിധായികയുമായ നന്ദിതാ ദാസ്. 2013 നവംബറില്‍ ഒരു ദേശീയ മാദ്ധ്യമത്തില്‍ വന്ന ലേഖനത്തില്‍ നടി നടത്തിയ ചില പരാമര്‍ശങ്ങളാണ് ട്വിറ്റര്‍ ഉള്‍പെടെയുള്ള സോഷ്യല്‍ മീഡിയയില്‍ ഇപ്പോള്‍ വ്യാപകമായി പ്രചരിക്കുന്നത്. എല്ലാ പുരുഷന്മാരുടെയും ഉള്ളില്‍ ഒരു റേപ്പിസ്റ്റ് ഉണ്ടെന്നുള്ള പരാമര്‍ശമാണ് വിവാദമായത്. സോഷ്യല്‍ മീഡിയയില്‍ പലരും നന്ദിതയുടെ പരാമര്‍ശത്തിനെതിരെ രംഗത്തെത്തിയിരുന്നു. എന്നാല്‍ തന്റെ പരാമര്‍ശങ്ങള്‍ സോഷ്യല്‍ മീഡിയയില്‍ പലരും തെറ്റായി വ്യാഖ്യാനിച്ച് പ്രചരിപ്പിക്കുന്നു എന്നാണ് നന്ദിതാദാസ് കഴിഞ്ഞദിവസം ട്വീറ്റ് ചെയ്തത്. ഇതില്‍ വിശദീകരണം നല്‍കുന്നതില്‍ വിഷമമുണ്ടെന്നും നന്ദിതാ ദാസ് ട്വീറ്ററിലൂടെ വ്യക്തമാക്കി.
നന്ദിതയുടെ പ്രസ്താവന സോഷ്യല്‍ മീഡിയയില്‍ വൈറലായതോടെ പ്രസ്താവനയെ അനുകൂലിച്ചും പ്രതികൂലിച്ചും പലരും രംഗത്തുവന്നു. ഒടുവില്‍ ആരാധകര്‍ നന്ദിതയ്‌ക്കെതിരെ തിരിഞ്ഞതോടെയാണ് താരം പ്രസ്താവന തിരുത്തിയത്. 
സിനിമയ്ക്കുപുറമേ സാമൂഹികപ്രവര്‍ത്തക എന്ന നിലയിലും ശ്രദ്ധേയയാണ് ഇന്ത്യയിലെ വിവിധ ഭാഷകളില്‍ അഭിനയിച്ചിട്ടുള്ള ഈ ബംഗാളി നടി. തന്നെ തെറ്റായി ഉദ്ധരിക്കുകയാണ് എല്ലാ പുരുഷന്മാരും ബലാത്സംഗികളാണെന്ന് ഒരിക്കലും പറഞ്ഞിട്ടില്ല. അതെന്തൊരു വിഡ്ഢിത്തം നിറഞ്ഞ സാമാന്യവത്കരണമാണ്. ഇതിനെല്ലാം വിശദീകരണം നല്‍കണ്ടേിവരുന്നതില്‍ ദുഃഖമുണ്ടുണ്ടെന്നും നന്ദിത കൂട്ടിച്ചേര്‍ത്തു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha