എല്ലാവരെയും ഞെട്ടിച്ച് കൊണ്ട് മുഖ്യമന്ത്രിയുടെ മാസ്സ് മറുപടി . തെലങ്കാന മുഖ്യമന്ത്രി രേവന്ത് റെഡ്ഡിക്കെതിരെ ആഞ്ഞടിച്ച് മുഖ്യമന്ത്രി പിണറായി വിജയൻ. മുഖ്യമന്ത്രി എന്ന നിലയിൽ രേവന്ത് റെഡ്ഡി പാലിക്കേണ്ട ചില മര്യാദകളുണ്ട്. അദ്ദേഹം അത് കാണിക്കുന്നുണ്ടോ എന്ന് പരിശോധിക്കണം. അദ്ദേഹത്തിന്റെ ആരോപണങ്ങൾക്ക് ഇപ്പോൾ സമയമില്ലാത്തതിനാൽ മറുപടി പറയുന്നില്ല. ഡാഷ് മോനേ രേവന്തേ മറുപടി വരുന്നുണ്ട് എന്ന് മാത്രമേ പറയുന്നുള്ളൂവെന്നും മുഖ്യമന്ത്രി പറഞ്ഞു. രേവന്ത് റെഡ്ഡി നേരത്തെ മുഖ്യമന്ത്രി നീ പോ മോനേ വിജയാ എന്ന് വിളിച്ചിരുന്നു.

മുഖ്യമന്ത്രി പിണറായി വിജയനുമായി തെലങ്കാനയുടെ വികസനത്തില്‍ നേരിട്ടുള്ള ചര്‍ച്ചയ്ക്ക് തയ്യാറാണെന്നും തെലങ്കാന മുഖ്യമന്ത്രി രേവന്ത് റെഡ്ഡി പറഞ്ഞിരുന്നു. മുഖ്യമന്ത്രിയെ ചര്‍ച്ചയ്ക്ക് ക്ഷണിച്ചുകൊണ്ടുള്ള കത്ത് രേവന്ത് റെഡ്ഡി പുറത്തുവിട്ടു. കത്തില്‍ കോണ്‍ഗ്രസ് ഭരണത്തിലെ തെലങ്കാനയിലെ വികസനവും കേരളത്തിലെ വികസനവും താരതമ്യം ചെയ്യാൻ തയാറാണെന്നും അദ്ദേഹം പറഞ്ഞിരുന്നു. നീ പോ മോനെ വിജയന്‍ വിളി അദ്ദേഹം കത്തിലും ആവര്‍ത്തിച്ചു.

ഇതോടെ കുഴല്‍നാടന്റെ ഗൗരവകരമായ ആരോപണങ്ങള്‍ക്ക് പകരം രണ്ട് മുഖ്യമന്ത്രിമാര്‍ തമ്മിലുള്ള അശ്ലീലച്ചുവയുള്ള വാക്‌പോരിലേക്ക് മാധ്യമശ്രദ്ധ തിരിഞ്ഞു.മുഖ്യമന്ത്രിയുടെ ഈ 'ഡാഷ് പ്രയോഗം' സോഷ്യല്‍ മീഡിയയിലും വലിയ വിഭജനമുണ്ടാക്കിയിട്ടുണ്ട്. ഒരു വിഭാഗം ഇതിനെ 'മാസ്' മറുപടിയായി കാണുമ്പോള്‍, മറ്റൊരു വിഭാഗം രാഷ്ട്രീയ നിലവാരത്തകര്‍ച്ചയായാണ് ഇതിനെ വിലയിരുത്തുന്നത്. പക്ഷേ, സി.പി.എമ്മിനെ സംബന്ധിച്ചിടത്തോളം അഴിമതി ചര്‍ച്ചകളെ വഴിതിരിച്ചുവിടാന്‍ ഇതിലൂടെ സാധിച്ചു എന്നത് വലിയ നേട്ടമായി അവര്‍ കണക്കാക്കുന്നു.