തൃപ്പൂണിത്തുറയിൽ ഷാഫി പറമ്പിൽ എംപിയുടെ റോഡ് ഷോ തടസ്സപ്പെടുത്താൻ ശ്രമിച്ചതായി ആരോപണം. യുഡിഎഫ് സ്ഥാനാർത്ഥി ദീപക് ജോയിയുടെ പ്രചാരണത്തിനായി സംഘടിപ്പിച്ച റോഡ് ഷോയ്ക്കിടെയാണ് സംഭവമുണ്ടായത്.

വൈകുന്നേരം 4.30 ഓടെ വാഹനപ്രചാരണ ജാഥ എത്തി . ഈ സമയം അനൗൺസ്‌മെന്റ് വാഹനത്തിൽ പോറ്റിയെ കേറ്റിയെ ഗാനം കേൾപ്പിച്ചു . ഇതിൽ പ്രകോപിതനായ ആൾ സിപിഐഎമ്മിന്റെ കൊടികളുമായി അവിടെ കൂടിനിന്ന യുഡിഎഫ് പ്രവർത്തകർക്കിടിയിലേക്ക് മുദ്രാവാക്യം വിളിച്ച് ഓടിക്കയറുകയായിരുന്നു . ഇയാൾ മദ്യപിച്ചിരുന്നു.

കുറെ കഴിഞ്ഞതോടെ ഇയാൾ മടങ്ങി പോകുകയും ചെയ്തു . പിന്നീട് മറ്റൊരാൾ കൊടിയുമായെത്തി സമാനമായി യുഡിഎഫ് പ്രവർത്തകർക്കിടയിലേക്ക് കയറുകയായിരുന്നു . പ്രതിഷേധാവസ്ഥയിൽ കാര്യങ്ങളെത്തി . പിന്നാലെ പൊലീസെത്തി ബലം പ്രയോഗിച്ച് ഇയാളെ സ്ഥലത്തുനിന്ന് മാറ്റുകയായിരുന്നു .