രാജ്നാഥ് സിങ് മേഖലയിലെ സുരക്ഷാപ്രശ്നങ്ങളും ഉഭയ കക്ഷിസഹകരണവും സംബന്ധിച്ച് ഇറാനുമായി ചര്ച്ച നടത്തി
ഇന്ത്യന് പ്രതിരോധമന്ത്രി രാജ്നാഥ് സിങ് ഇറാന്റെ പ്രതിരോധമന്ത്രി ബ്രിഗേഡിയര് ജനറല് അമീര് ഹാത്തമിയുമായി അഫ്ഗാനിസ്ഥാനിലേതുള്പ്പെടെ മേഖലയിലെ സുരക്ഷാപ്രശ്നങ്ങളും ഉഭയകക്ഷിസഹകരണം മെച്ചപ്പെടുത്തുന്നതും സംബന്ധിച്ച വിവിധ വിഷയങ്ങളെ കുറിച്ച് ചര്ച്ച നടത്തി.
കോവിഡ് പ്രതിസന്ധി ആരംഭിച്ചശേഷം ഇതാദ്യമാണ് ഇന്ത്യയില് നേതാക്കളിലൊരാള് ഇറാന് സന്ദര്ശിക്കുന്നത്. മോസ്കോയില് നടന്ന ഷാങ്ഹായ് സഹകരണ സംഘടന (എസ്സിഒ) പ്രതിരോധ മന്ത്രിമാരുടെ സമ്മേളനത്തിനുശേഷമാണു രാജ്നാഥ് ഇറാനിലെത്തിയത്.
അഫ്ഗാനില് നിന്ന് യുഎസ് സേന പൂര്ണമായും പിന്മാറുന്നതോടെ സമാധാനശ്രമങ്ങള്ക്കും അനുരഞ്ജനത്തിനും ഇന്ത്യ എല്ലാ പിന്തുണയും നല്കുമെന്നു രാജ്നാഥ് സിങ് അറിയിച്ചു. ഇറാനുമായി ശക്തമായ വ്യാപാരബന്ധമുള്ള ഇന്ത്യക്ക് മേഖലയിലെ സുരക്ഷ സുപ്രധാനമാണ്.
കഴിഞ്ഞവര്ഷം യുഎസ് ഉപരോധം ശക്തമാക്കിയതോടെ, ഇന്ത്യ അടക്കമുള്ള രാജ്യങ്ങളോട് ഇറാനുമായുളള വ്യാപാരം നിര്ത്തിവയ്ക്കാന് യുഎസ് സമ്മര്ദം ചെലുത്തിയിരുന്നു. ഉഭയകക്ഷി വ്യാപാരത്തില് 2019/20-ല് ഇതോടെ മുന്വര്ഷത്തെക്കാള് 71.9% ഇടിവാണുണ്ടായത്.
https://www.facebook.com/Malayalivartha
