അതിർത്തിയിൽ ഇന്ത്യ-ചൈന തർക്കം തുടരുന്ന സാഹചര്യമാണ് ഉള്ളത്..... ഇരുവരും തമ്മിലുള്ള പ്രശ്നം വഷളാകുന്ന തലത്തിലേക്ക് നീങ്ങുകയാണ്.,.. ആ പ്രശ്നത്തിൽ പരിഹരിക്കാനുള്ള ശ്രമത്തിലാണ് രാഷ്ട്രീയ നേതാക്കന്മാർ ഉള്ളത്... എന്നാൽ ഈ സന്ദർഭത്തെ മുതലെടുക്കാൻ ശ്രമിക്കുകയാണ് പാകിസ്ഥാൻ... അതിര്‍ത്തി സംഘര്‍ഷം മുതലെടുത്ത് ഭീകരരെ ഇന്ത്യയിലേക്ക് പ്രവേശിപ്പിക്കാന്‍ പാക് ശ്രമം-....

ഇന്ത്യ-ചൈന അതിർത്തി സംഘർഷത്തിനിടെ ഭീകരരെ കശ്മീരിലേക്ക് കടത്തിവിടാൻ പാകിസ്താൻ ശ്രമിക്കുന്നതായി റിപ്പോർട്ടുകൾ പുറത്തുവന്നിരിക്കുന്നു... നിയന്ത്രണരേഖയിലൂടെ നാനൂറോളം ഭീകരരെ ഇന്ത്യൻ മണ്ണിലേക്ക് അയക്കാനാണ് പാക് ശ്രമമെന്ന് വിശ്വസനീയ കേന്ദ്രങ്ങളെ ഉദ്ധരിച്ച്  റിപ്പോർട്ടുകൾ പുറത്ത് വരികയാണ്..

ഇന്ത്യ-ചൈന സംഘർഷം നിലനിൽക്കുന്ന അവസരം മുതലാക്കിയാണ് പാക് സൈന്യത്തിന്റെ ഈ നീക്ക മെന്ന കാര്യം ശ്രദ്ധേയം...നിലവിൽ ഭീകരർ നിയന്ത്രണരേഖയിലെ വിവിധ ഭാഗങ്ങളിൽ സംഘങ്ങളായി തമ്പടിച്ചിരിക്കുകയാണെന്നും നിയന്ത്രണരേഖ കടക്കാൻ ഇവരെ സഹായിക്കണമെന്ന് പാക് സൈന്യത്തിന് നിർദേശമുണ്ടെന്നുമാണ് റിപ്പോർട്ടുകൾ yസൂചിപ്പിക്കുന്നത്...

നിരവധി തവണയാണ് പാക് സൈന്യത്തിന്റെ ഭാഗത്തുനിന്നും വെടിനിർത്തൽ കരാർ ലംഘനം ഉണ്ടായിരിക്കുന്നത്. ഇതിലൂടെ ഭീകരർക്ക് നുഴഞ്ഞുകയറാൻ അവസരമൊരുക്കാനുള്ള നീക്കമാണ് നടക്കുന്നതെന്നാണ് രഹസ്യാന്വേഷണ വിഭാഗത്തിൽ നിന്ന് ലഭിക്കുന്ന വിവരം. അതിർത്തിയിലെ ഇന്ത്യൻ സൈനികരെ ആക്രമിക്കാനായി പാകിസ്താൻ ബോർഡർ ആക്ഷൻ ടീമിനെ രൂപീകരിച്ചതായും വിവരങ്ങൾ പുറത്തുവരുന്നു നിയന്ത്രണരേഖയ്ക്ക് സമീപമുള്ള പാക് സൈനിക താവളങ്ങളിൽ ഭീകരരുടെ സാന്നിധ്യമുള്ളതായി ശ്രദ്ധയിൽപ്പെട്ടിട്ടുണ്ടെന്ന വിവരത്തെ തുടർന്ന് അതിർത്തിയിൽ ഇന്ത്യൻ സേന സുരക്ഷ ശക്തമാക്കി.