കര്ഷക പ്രക്ഷോഭത്തിന് ഐക്യദാര്ഢ്യവുമായി പ്രതിപക്ഷ നേതാക്കള് ഇന്ന് വൈകിട്ട് രാഷ്ട്രപതി രാംനാഥ് കോവിന്ദിനെ സന്ദര്ശിക്കും
കര്ഷക പ്രക്ഷോഭത്തിന് ഐക്യദാര്ഢ്യവുമായി പ്രതിപക്ഷ നേതാക്കള് ഇന്ന് വൈകിട്ട് രാഷ്ട്രപതി രാംനാഥ് കോവിന്ദിനെ കാണും. വൈകിട്ട് അഞ്ചിന് പ്രതിപക്ഷ പാര്ട്ടികളെ പ്രതിനിധികരിച്ച് അഞ്ച് നേതാക്കള്ക്കാണ് രാഷ്ട്രപതി ഭവന് സന്ദര്ശനാനുമതി നല്കിയിരിക്കുന്നത്. കോണ്ഗ്രസ് നേതാവ് രാഹുല് ഗാന്ധി, സിപിഐഎം ജനറല് സെക്രട്ടറി സീതാറാം യെച്ചൂരി, ഡിഎംകെ നേതാവ് ടി.ആര്. ബാലു, എന്സിപി നേതാവ് ശരദ്പവാര് തുടങ്ങിയ നേതാക്കളാകും പ്രതിനിധി സംഘത്തിലുണ്ടാകുക.
11 പാര്ട്ടികളാണ് രാഷ്ട്രപതിയെ കാണാന് അനുമതി തേടിയതെങ്കിലും കൊവിഡ് സാഹചര്യം പരിഗണിച്ച് അഞ്ചുപേര്ക്ക് മാത്രമേ രാഷ്ട്രപതി ഭവന് അനുമതിയുള്ളൂ. അതേസമയം കര്ഷക നിയമം പിന്വലിക്കണമെന്ന് ആവശ്യപ്പെട്ട് ഡല്ഹിയില് സമരം ചെയ്യുന്ന കര്ഷക സംഘടനകളുമായി കേന്ദ്ര ആഭ്യന്തര മന്ത്രി അമിത് ഷാ നടത്തിയ ചര്ച്ചയും പരാജയപ്പെട്ടു. നിയമം പിന്വലിക്കില്ലെന്ന് കേന്ദ്രസര്ക്കാര് വ്യക്തമാക്കി. ഇതോടെ നാളത്തെ ചര്ച്ചയില് നിന്ന് കര്ഷക സംഘടനകള് പിന്മാറി.
https://www.facebook.com/Malayalivartha
