റോള്സ് റോയ്സിന്റെ എട്ടുകോടിയുടെ ആഡംബര വാഹനം സ്വന്തമാക്കി കോടീശ്വരനും ബിസിനസുകാരനുമായ ശിവസേന നേതാവ്; പിന്നാലെ 35,000 രൂപയുടെ വൈദ്യുതി മോഷണത്തിന് കേസ്, ശിവസേന നേതാവ് സഞ്ജയ് ഗെയ്ക്വാദിനെതിരെ വൈദ്യുത വിതരണ കമ്പനി
കോടീശ്വരനും ബിസിനസുകാരനുമായ ശിവസേന നേതാവിനെതിരെ 35,000 രൂപയുടെ വൈദ്യുതി മോഷണത്തിന് കേസ് രജിസ്റ്റർ ചെയ്തതായി റിപ്പോർട്ട്. അടുത്തിടെ റോള്സ് റോയ്സിന്റെ എട്ടുകോടിയുടെ ആഡംബര വാഹനം സ്വന്തമാക്കിയ ഇയാളുടെ നിര്മാണ സ്ഥലത്തേക്ക് 34,840 രൂപയുടെ വൈദ്യുതി മോഷ്ടിക്കുകയായിരുന്നുവെന്ന് അധികൃതർ കണ്ടെത്തുകയായിരുന്നു.
ശിവസേന നേതാവ് സഞ്ജയ് ഗെയ്ക്വാദിനെതിരെയാണ് കല്യാണിലെ കോന്സെവാദി പൊലീസ് കേസെടുത്തിരിക്കുന്നത്. മഹാരാഷ്ട്ര വൈദ്യുത വിതരണ കമ്ബനിയുടെ പരാതിയിലാണ് നടപടി സ്വീകരിച്ചത്.
മാര്ച്ചില് ഗെയ്ക്വാദിന്റെ ഉടമസ്ഥതയിലുള്ള നിര്മാണ സ്ഥലത്തേക്ക് ആവശ്യമായ വൈദ്യുതി മോഷണം നടത്തിയതായി എം.എസ്.ഇ.ഡി.സി.എല് കണ്ടെത്തുകയുണ്ടായി. ഇതോടെ മോഷ്ടിച്ച വൈദ്യുതിയുടെ നിരക്കായ 34,840 രൂപയുടെയും പിഴയായി 15,000 രൂപയുടെയും ബില് അയച്ചു. ഇതുകൂടാതെ മൂന്നുമാസത്തിനകം പിഴ അടക്കാന് ഗെയ്ക്വാദ് തയാറാകാതെ വന്നതോടെയാണ് ജൂണ് 30ന് കമ്പനി പൊലീസില് പരാതി നല്കിയത് തന്നെ. ഗെയ്ക്വാദ് പിഴയും ബില് തുകയും ഉള്പ്പെടെ 49,840 രൂപ അടച്ചതായി കമ്പനി തിങ്കളാഴ്ച അറിയിക്കുകയും ചെയ്തു.
അതേസമയം, എം.എസ്.ഇ.ഡി.സി.എല് അദ്ദേഹത്തിനെതിരെ ഉന്നയിച്ച ആരോപണങ്ങള് തെറ്റാണെന്നും വൈദ്യുതി മോഷണത്തില് അദ്ദേഹത്തിന് പങ്കില്ലെന്നും ശിവസേന പ്രവര്ത്തകര് അവകാശപ്പെട്ടു. സംഭവത്തില് പൊലീസ് കൂടുതല് അന്വേഷണം നടത്തും.
https://www.facebook.com/Malayalivartha