അമിത് ഷാ കശ്മീരിലേക്ക്, 370-ാം അനുച്ഛേദം റദ്ദാക്കിയതിന് ശേഷമുള്ള ആദ്യ സന്ദര്ശനം
ജമ്മുകശ്മീര് സന്ദര്ശിക്കാന് ഒരുങ്ങുകയാണ് കേന്ദ്ര ആഭ്യന്തരമന്ത്രി അമിത് ഷാ . ഒക്ടോബര് 23 മുതല് 25 വരെയാണ് ത്രിദിന സന്ദര്ശനം. 2019 ഓഗസ്റ്റില് 370-ാം അനുച്ഛേദം റദ്ദാക്കിയതിന് ശേഷമുള്ള അദ്ദേഹത്തിന്റെ ആദ്യ കശ്മീര് സന്ദര്ശനമാണിതെന്ന പ്രത്യേകതയുമുണ്ട്. കേന്ദ്ര സര്ക്കാരിന്റെ മെഗാ ഔട്ട്റീച്ച് പ്രോഗ്രാമിന്റെ ഭാഗമായി സെപ്റ്റംബര് എട്ട് മുതല് 70 കേന്ദ്രമന്ത്രിമാരാണ് ജമ്മുകശ്മീരില് സന്ദര്ശനം നടത്തിയത്. പ്രദേശത്തെ ബിജെപി നേതാക്കളുമായി കൂടിക്കാഴ്ച നടത്തുന്ന ആഭ്യന്തരമന്ത്രി സുരക്ഷ വിഷയങ്ങളും വികസന പദ്ധതികളും ചര്ച്ച നടത്തും. ജനക്ഷേമ പ്രവര്ത്തനങ്ങള് താഴെത്തട്ടില് എത്തിക്കുന്നതും ചര്ച്ചയാകും.
തുടരെ തുടരെ ഉണ്ടാകുന്ന ഇത്തരം ഭീകരക്രമണങ്ങളില് അശാന്തമായി കിടക്കുന്ന ജമ്മു താഴ്വരയെ ശാന്തമാക്കാനുള്ള കടുത്ത തീരുമാനങ്ങള് അദ്ദേഹം എടുക്കാന് സാധ്യതയേറെയാണ്. അതേസമയം കശ്മീരില് ആക്രമണം നടത്തുന്ന ഭീകര്ക്കെതിരെ ശക്തമായ തിരിച്ചടി നല്കണമെന്ന് അമിത് ഷാ കര്ശന നിര്ദേശം നല്കിയിരുന്നു. കഴിഞ്ഞ ദിവസങ്ങള്ക്കിടെ സാധാരണക്കാര്ക്ക് നേരെ നടത്തിയ ഭീകരാക്രമണങ്ങളുടെ പശ്ചാത്തലത്തിലായിരുന്നു അമിത് ഷാ ഉത്തരവ് പുറപ്പെടുവിച്ചത്. ഇതിനായി കേന്ദ്രത്തിന്റെ പ്രത്യേക സേനയെ കശ്മീരിലേക്ക് അയച്ചിരുന്നു.
കഴിഞ്ഞ ദിവസമാണ് പൂഞ്ചില് പാക് ഭീകരരുമായുണ്ടായ ഏറ്റുമുട്ടലിനിടെ ഒരു ഓഫീസറടക്കം അഞ്ച് സൈനികര് വീരമൃത്യു വരിച്ചത്. ഇവരില് മലയാളിയായ കൊല്ലം സ്വദേശിയായ വൈശാഖ് എച്ച് ഉള്പ്പെട്ടിരുന്നു. ഈ സംഭവത്തിന് ശേഷം ഇതിന് ശക്തമായ തിരിച്ചടി തന്നെയാണ് സുക്ഷ സേന നല്കിയത്. ഏറ്റുമുട്ടലില് ജെയ്ഷെ കമാന്ഡറെ ഉള്പ്പെടെ വധിച്ചിരുന്നു. ഷാം സോഫിയാണ് വധിക്കപ്പെട്ട തെന്ന് ഐ.ജി.വിജയ്കുമാര് അറിയിച്ചിരുന്നു. ഇതോടെ ഏതാനും ദിവസത്തിനിടെ ആറാമത്തെ ഭീകരനാണ് കശ്മീരില് വധിക്കപ്പെട്ടത്.
ധീര ജവാന്മാരുടെ മരണത്തിന് ഇരട്ടിയായി പകരം വീട്ടുക എന്നുള്ള ലക്ഷ്യവുമായി ഇറങ്ങിയ സൈന്യത്തിന്റെ ഓപ്പറേഷനില് ഭീകരരെല്ലാം ഭയന്ന് ഒളിച്ച അവസ്ഥയിലാണ് എങ്കിലും മടയില് കയറി വേട്ടയാടാനാണ് സൈന്യം തീരുമാനിച്ചിരിക്കുന്നത്. ഇതിന്റെ ഭാഗമായി വന് തിരച്ചിലാണ് അതിര്ത്തിയില് ഇപ്പോള് നടക്കുന്നത്. തിങ്കളാഴ്ച 24 മണിക്കൂറിനുള്ളില്മാത്രം ഭീകരരുമായി നാല് ഏറ്റുമുട്ടലാണ് പൂഞ്ച് മേഖലയിലും മറ്റുമായി ഉണ്ടായത്. ഇന്ത്യന് സൈനികരുടെ ഓപ്പറേഷന് അമിത് ഷായുടെ സന്ദര്ശനം ശക്തിപകരുമെന്ന കാര്യത്തില് ഒരു സംശയവും വേണ്ട. അദ്ദേഹത്തിന്റെ സന്ദര്ശനത്തോടെ കശ്മീരിലെ സ്ഥിതിഗതികളില് മാറ്റം ഉണ്ടാകുമെന്ന വിലയിരുത്തലിലാണ് രാജ്യം.
https://www.facebook.com/Malayalivartha