'അതിര്ത്തി ലംഘനവും ആക്രമണങ്ങളും തുടര്ന്നാല് മിന്നലാക്രമണം നടത്താന് ഇന്ത്യ മടിക്കില്ല'; പാകിസ്താന് മുന്നറിയിപ്പുമായി ആഭ്യന്തര മന്ത്രി അമിത് ഷാ
അതിര്ത്തി ലംഘനവും ആക്രമണങ്ങളും തുടര്ന്നാല് മിന്നലാക്രമണം നടത്താന് ഇന്ത്യ മടിക്കില്ലെന്ന് പാകിസ്താന് ആഭ്യന്തര മന്ത്രി അമിത് ഷായുടെ മുന്നറിയിപ്പ്. 'ഇന്ത്യ ഇത്തരം കടന്നുകയറ്റങ്ങള് സഹിക്കില്ലെന്നാണ് മിന്നലാക്രമണങ്ങള് തെളിയിച്ചിട്ടുള്ളത്. അതിര്ത്തി ലംഘനവും ആക്രമണങ്ങളും പാകിസ്താന് തുടര്ന്നാല് കൂടുതല് മിന്നലാക്രമണങ്ങള്ക്ക് ഇന്ത്യ മടിക്കില്ല' -അദ്ദേഹം പറഞ്ഞു.
ഗോവയില് നാഷണല് ഫോറന്സിക് സയന്സസ് യൂനിവേഴ്സിറ്റിയുടെ തറക്കല്ലിടല് ചടങ്ങില് സംസാരിക്കുകയായിരുന്നു അദ്ദേഹം. ജമ്മു-കശ്മീരില് സാധാരണക്കാരെ ലക്ഷ്യമിട്ട് പാകിസ്താന് പിന്തുണയോടെ അടുത്തിടെ നടന്ന ആക്രമണങ്ങളുടെ പശ്ചാത്തലത്തിലായിരുന്നു അമിത് ഷായുടെ ഈ മുന്നറിയിപ്പ്.
'പ്രധാനമന്ത്രി നരേന്ദ്ര മോദിയുടേയും മുന് പ്രതിരോധ മന്ത്രി മനോഹര് പരീക്കറുടേയും നേതൃത്വത്തില് നടന്ന മിന്നലാക്രമണം സുപ്രധാന ചുവടുവെപ്പായിരുന്നു. ഇന്ത്യയുടെ അതിര്ത്തികളില് സംഘര്ഷം സൃഷ്ടിക്കരുതെന്ന സന്ദേശമാണ് ഞങ്ങള് ഇതിലൂടെ നല്കിയത്. ചര്ച്ചകള്ക്കൊക്കെ ഒരു സമയമുണ്ട്. അതുകഴിഞ്ഞാല് പ്രതികരിക്കേണ്ട കാലമാകും'- അമിത് ഷാ പറഞ്ഞു.
ഉറി ഭീകരാക്രമണത്തിന് മറുപടിയായി 2016 സെപ്റ്റംബര് 29നാണ് ഇന്ത്യ പാകിസ്താനില് മിന്നാലാക്രമണം നടത്തിയത്. ഉറി, പത്താന്കോട്ട്, ഗുര്ദാസ്പുര് എന്നിവിടങ്ങളിലെ ഭീകരാക്രമണങ്ങളോടുള്ള പ്രതികരണമായിരുന്നു ഇത്. ഉറി ആക്രമണത്തിന് 11 ദിവസം കഴിഞ്ഞ് നടന്ന മിന്നലാക്രമണത്തില് പാകിസ്താനിലെ നിരവധി തീവ്രവാദി ക്യാമ്ബുകള് തകര്ക്കപ്പെട്ടിരുന്നു.
https://www.facebook.com/Malayalivartha