പലതരത്തിലുള്ള പ്രതികാര കഥകൾ നാം കേട്ടിട്ടുണ്ട്. ഇവിടെ ഇതാ മൃഗങ്ങളുടെ പ്രതികാര കഥ അക്ഷരാർത്ഥത്തിൽ നമ്മെ ഞെട്ടിക്കുന്നതാണ്. ഇവിടെ പ്രതികാര ദാഹികൾ കുരങ്ങന്മാർ ആണ്. ഇരകൾ ആകട്ടെ നായ്ക്കളും. പറഞ്ഞുവരുന്നത് സാങ്കല്പിക കഥയല്ല. തികച്ചും യാഥാർത്ഥ്യമായ ഒരു സംഭവം.

പട്ടികളെ പിടിച്ചു കൊണ്ടു പോയി വലിയ കെട്ടിടങ്ങൾക്ക് മുകളിൽ നിന്ന് വലിച്ചെറിയും നായ്ക്കളെ രക്ഷിക്കാൻ എത്തുന്ന മനുഷ്യരേയും ആക്രമിക്കും. കുരങ്ങന്മാരുടെ അപൂർവ്വ പ്രതികാരത്തിൽ പകച്ച് നാട്ടുകാർ. ലവൂലിൽ കുരങ്ങന്മാർ ഒരു മാസം കൊണ്ട് കൊന്നത് 250 പട്ടികളെയാണ്. ബീഡിലെ പ്രതികാരം കഥ ലോകത്തെ വിസ്മയിപ്പിക്കുന്നു .

തങ്ങളുടെ കൂട്ടത്തുള്ള കുട്ടിക്കുരങ്ങനെ നായ്ക്കൾ കടിച്ചുകൊന്നതിന്റെ പ്രതികാരമായിട്ടാണ് മഹാരാഷ്ട്രയിലെ വാനരക്കൂട്ടം പ്രതികാര ദാഹികളായി അലഞ്ഞു തിരിയാൻ തുടങ്ങിയത്. ഒരു മാസം കൊണ്ട് 250 നായ്ക്കുട്ടികളെ എറി​ഞ്ഞുകൊന്നു.

മഹാരാഷ്ട്രയിലെ ബീഡ് ജില്ലയിലെ മാജ്‌ലഗാവിലാണു കുരങ്ങന്മാരുടെ ക്രൂരപ്രതികാരം നടക്കുന്നത്. നായ്ക്കുട്ടികളെ വലിച്ചിഴച്ച് കെട്ടിടത്തിന്റെയോ പാറക്കെട്ടുകളുടെയോ മുകളിൽ എത്തിച്ച ശേഷം താഴേക്ക് എറിഞ്ഞുകൊല്ലുകയാണ് ചെയ്യുന്നത്. ഇത് അക്ഷരാർത്ഥത്തിൽ ഞെട്ടിക്കുന്ന സംഭവം തന്നെയാണ്.