പാകിസ്ഥാനില്‍ പാചകവാതക സിലിണ്ടറുകള്‍ പൊട്ടിത്തെറിച്ച് 12 മരണം. നിരവധിപേര്‍ക്ക് പരിക്കേറ്റു. സ്ഥലത്തെ ഷേര്‍ഷാ ഏരിയയില്‍ ഒരു ബാങ്ക് കെട്ടിടത്തിനുളളിലാണ് പൊട്ടിത്തെറിയുണ്ടായത്. കെട്ടിടത്തിലെ വാതിലുകളും ജനലുകളും തകര്‍ന്നു. ഏറെദൂരത്തേക്ക് പൊട്ടിത്തെറിയുടെ അവശിഷ്ടങ്ങള്‍ തെറിച്ചുവീഴുകയും ചെയ്തു. കെട്ടിടത്തിന് സമീപം പാര്‍ക്ക് ചെയ്തിരുന്ന കാറുകളും ബൈക്കുകളുമെല്ലാം തകര്‍ന്നു.

സ്ഥലത്ത് ബോംബ് സ്‌ക്വാഡ് എത്തി പരിശോധനയാരംഭിച്ചതായി പ്രവിശ്യ പൊലീസ് അറിയിച്ചു. എന്നാല്‍ ഗ്യാസ് ചോര്‍ച്ചതന്നെയാണ് സ്‌ഫോടനത്തിന് കാരണമെന്നാണ് പൊതുവെയുളള നിഗമനം. 12 പേര്‍ മരണമടഞ്ഞതായും 13 പേര്‍ക്ക് ഗുരുതര പരിക്കേറ്റതായും പൊലീസ് അറിയിച്ചു. പാചകത്തിനായും കാറുകളില്‍ ഉപയോഗിക്കാനും വ്യാജ ഗ്യാസ് സിലിണ്ടറുകള്‍ ഉപയോഗിക്കുന്നത് പാകിസ്ഥാനില്‍ സ്ഥിരം പതിവാണ്.

ഇത്തരത്തില്‍ സ്‌ഫോടനം എന്ന് പരിശോധിക്കും. അടിസ്ഥാന സൗകര്യ വികസനത്തില്‍ പിന്നാക്കം നില്‍ക്കുന്നതിനാലും തെറ്റായ നിര്‍മ്മാണരീതിയിലും മികവില്ലാത്ത മുനിസിപ്പല്‍ സേവനങ്ങള്‍ക്കും കറാച്ചിക്ക് വേണ്ടത്ര ദുഷ്‌കീര്‍ത്തിയുണ്ട്.

എന്നാല്‍ പാകിസ്ഥാന്റെ സാമ്പത്തികവളര്‍ച്ചയില്‍ 60 ശതമാനവും ഈ നഗരത്തില്‍ നിന്നാണെന്നതാണ് സവിശേഷത. സ്‌ഫോടനത്തില്‍ കെട്ടിടം പൂര്‍ണമായും തകര്‍ന്നു. അവശിഷ്ടങ്ങള്‍ക്കിടയില്‍ ആരെങ്കിലും കുടുങ്ങിയിട്ടുണ്ടോ എന്ന് പോലീസും രക്ഷാപ്രവര്‍ത്തകരും പരിശോധിച്ച് വരികയാണ്. പ്രദേശത്ത് പാര്‍ക്ക് ചെയ്തിരുന്ന വാഹനങ്ങള്‍ക്കും സമീപത്തെ കെട്ടിടങ്ങള്‍ക്കും കേടുപാടുകള്‍ സംഭവിച്ചിട്ടുണ്ട്.