ഇന്ദിരയും രാജീവും സ്റ്റാമ്പില്നിന്ന് പുറത്ത്
തപാല് വകുപ്പിന്റെ സ്റ്റാമ്പുകളില്നിന്ന് മുന് പ്രധാനമന്ത്രിമാരായ ഇന്ദിര ഗാന്ധിയും രാജീവ് ഗാന്ധിയും പുറത്ത്.വിവരാവകാശ നിയമപ്രകാരമുള്ള ചോദ്യത്തിന് ഇന്ത്യന് എക്സ്പ്രസിന് ലഭിച്ച മറുപടിയില് ജൂലൈ മുതല് ഇരുവരുടെയും ചിത്രമുള്ള അഞ്ചുരൂപ സ്റ്റാമ്പുകള് തപാല് വകുപ്പ് പിന്വലിച്ചതായി പറയുന്നു.
ഇന്ദിരയുടെയും രാജീവിന്റെയും ചിത്രമുള്ളത് ആധുനിക ഭാരതത്തിന്റെ നിര്മാതാക്കള് (ബില്ഡേഴ്സ് ഓഫ് മോഡേണ് ഇന്ത്യ) എന്ന പരമ്പരയില് 2008-ല് പുറത്തിറങ്ങിയ സ്റ്റാമ്പുകളിലാണ് . ഈ പരമ്പരക്കു പകരം മെയ്ക്കേഴ്സ് ഓഫ് ഇന്ത്യ എന്ന പുതിയ പരമ്പര സ്റ്റാമ്പുകള് അണിയറയിലൊരുങ്ങുന്നതായും മറുപടിയിലുണ്ട്.
പ്രമുഖ വ്യക്തികളെയും യോഗയെയും ചിത്രീകരിക്കുന്ന 24 സ്റ്റാമ്പുകളാണ് പുതിയ പരമ്പരയിലുണ്ടാവുക. പഴയ പരമ്പരയിലെ മഹാത്മാഗാന്ധി, ജവഹര്ലാല് നെഹ്റു, ബി.ആര്. അംബേദ്കര്, മദര് തെരേസ എന്നിവരൊഴികെയുള്ളവരെല്ലാം പുറത്താകും.
നിലവിലുള്ള അഞ്ചു രൂപ സ്റ്റാമ്പുകള് പിന്വലിച്ചുവെന്നാണ് വിവരാവകാശ രേഖ പറയുന്നത്. അഞ്ചു രൂപ സ്റ്റാമ്പുകളില് ചിത്രമുള്ള വ്യക്തികള് ഇന്ദിരയും രാജീവും മാത്രമാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
