കാര്യക്ഷമതയില്ലാത്ത ജീവനക്കാരെ കേന്ദ്രം ഒഴിവാക്കും, കര്ശന നടപടി വന്നേക്കും
സര്ക്കാര് ജോലി എന്നാല് ഒന്നും ചെയ്യാതെ ഇരിക്കല് എന്ന് വിചാരിക്കുന്നവര്ക്ക് കഷ്ടകാലം വരുന്നു. കാരണം അങ്ങനെയുള്ളവരെ തപ്പിയെടുത്ത് ഇമ്മിണി വലിയ പണി കൊടുക്കാന് കേന്ദ്ര സര്ക്കാര്. നേരെ പറഞ്ഞ് വീട്ടില് വിടും അത്ര തന്നെ. കാര്യക്ഷമതയില്ലാത്തവരും അഴിമതിക്കാരുമായ ജീവനക്കാരെ സര്വീസില് നിന്ന് ഒഴിവാക്കാന് കേന്ദ സര്ക്കാന് നടപടി. പൊതുതാല്പര്യം മുന്നിര്ത്തി ഇത്തരക്കാരെ കണ്ടെത്തി നേരത്തേ വിരമിക്കുന്നതിന് അവസരമൊരുക്കാന് മുഴുവന് വകുപ്പുകള്ക്കും പഴ്സണല് ആന്ഡ് ട്രെയിനിങ് വകുപ്പ് നിര്ദേശം നല്കി.
സര്ക്കാര് ജീവനക്കാരുടെ കാര്യക്ഷമത ഉയര്ത്തുന്നതിനെക്കുറിച്ച് ആരാഞ്ഞ് ക്യാബിനറ്റ് സെക്രട്ടറി പി.കെ. സിന്ഹ വിളിച്ചു കൂട്ടിയ യോഗത്തെത്തുടര്ന്നാണിത്. നിയമാനുസൃതം ഇവര്ക്കു നിര്ബന്ധിത വിരമിക്കല് നല്കാന് ആവശ്യപ്പെട്ടിട്ടുണ്ട്.ഐ.എ.എസ്ഐ.പി.എസുകാര് മുതല് മിനിസ്റ്റീരിയല് ജീവനക്കാര് വരെയുള്ളവരെ പിരിച്ചുവിടാനാണു കേന്ദ്രസര്ക്കാര് തീരുമാനിച്ചിരിക്കുന്നത്. 35 വയസിനു മുമ്പു സര്വീസില് ചേര്ന്ന എ,ബി ഗ്രൂപ്പുകളിന്റല്പെട്ട 50 വയസു കഴിഞ്ഞവര്ക്കു നിര്ബന്ധിത വിരമിക്കല് നല്കാന് സര്ക്കാരിനു പുര്ണ അധികാരമുണ്ട്.
സി ഗ്രൂപ്പില്പെട്ട 55 വയസു കഴിഞ്ഞവരെയും അഴിമതിക്കാരും കഴിവില്ലാത്തവരുമെന്നു കണ്ടെത്തിയാല് പിരിച്ചുവിടാം. ഇവര് വാര്ഷിക ഇന്ക്രിമെന്റ് മരവിപ്പിക്കപ്പെട്ടവരും അഞ്ചു വര്ഷമായി സ്ഥാനക്കയറ്റം കിട്ടാത്തവരുമായിരിക്കണം.
എത്രയും പെട്ടെന്ന് ഇതുസംബന്ധിച്ചു നടപടിയെടുക്കാന് എല്ലാമന്ത്രാലയങ്ങള്ക്കും ഉത്തരവു കൊടുത്തിട്ടുണ്ട്. ക്യാബിനറ്റ് സെക്രട്ടേറിയറ്റ് ഇത്തരം ഉത്തരവുകള് ഇടയ്ക്കിടെ പുറപ്പെടുവിക്കാറുണ്ട്.
പതിനഞ്ചുവര്ഷ സര്വീസ് വിലയിരുത്തലില് യോഗ്യത നേടിയില്ലെങ്കില് പൊതുജനതാല്പര്യാര്ഥം ഐ.എ.എസുകാരും ഐ.പി.എസുകാരും ഓള് ഇന്ത്യാ സര്വീസില് നിന്നു വിരമിക്കമെന്നു 2012 ല് യു.പി.എ. സര്ക്കാര് ഉത്തരവിറക്കിയിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
