1945ലെ വിമാനാപകടത്തില്‍ നേതാജി മരിച്ചിരുന്നില്ലെന്ന വാദത്തിനു ശക്തിയേറുകയാണ്. നേതാജി സുഭാഷ് ചന്ദ്രബോസിനെ കുറിച്ചുള്ള രേഖകള്‍ പരസ്യപ്പെടുത്താന്‍ പശ്ചിമ ബംഗാള്‍ സര്‍ക്കാര്‍ ഒരുങ്ങുന്നതിനിടെയാണ് പുതിയൊരു വാദം. വെള്ളിയാഴ്ചയാണ് ബംഗാള്‍ സര്‍ക്കാര്‍ വിവരങ്ങള്‍ പുറത്തുവിടാനിരിക്കുന്നത്.

ദേശീയ മാധ്യമമായ ഇന്ത്യന്‍ എക്‌സ്പ്രസാണ് ഇതു സംബന്ധിച്ച വാര്‍ത്ത റിപ്പോര്‍ട്ട് ചെയ്തിരിക്കുന്നത്. 1948 49ലെ രേഖകള്‍ അനുസരിച്ച് നേതാജി അന്ന് ജീവനോടെയുണ്ടെന്നാണ് യുഎസ്, ബ്രിട്ടീഷ് രഹസ്യാന്വേഷണ ഏജന്‍സികള്‍ വിശ്വസിച്ചിരുന്നത്. തെക്കു കിഴക്കന്‍ ഏഷ്യയിലെ കമ്യൂണിസ്റ്റ് വിപ്ലവങ്ങള്‍ക്കു പിന്നില്‍ നേതാജി പ്രധാന പങ്കുവഹിച്ചെന്നു ഇവര്‍ വിശ്വസിക്കുന്നു.

1948ല്‍ നേതാജിയുടെ അനന്തരവനായ അമിത്യ നാഥ് ബോസിനു നല്‍കിയ കത്തില്‍ സമാനമായ കാര്യം കേന്ദ്ര ഇന്‍ഫര്‍മേഷന്‍ ആന്‍ഡ് ബ്രോഡ്കാസ്റ്റിങ് മന്ത്രാലയവും വ്യക്തമാക്കുന്നുണ്ട്. നേതാജിയെ സംബന്ധിച്ച വിവരങ്ങള്‍ പുറത്തു വിടാനാകില്ലെന്ന് വിവരാവകാശ നിയമപ്രകാരം ചോദിച്ച ചോദ്യത്തിനു കേന്ദ്രസര്‍ക്കാര്‍ ഇതിന് മുമ്പ് മറുപടി നല്‍കിയിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha