പ്രധാനമന്ത്രി നരേന്ദ്ര മോഡിക്ക് ഒരായിരം പിറന്നാള്‍ ആശംസകള്‍. ഒരു നേരം മാത്രം ഭക്ഷണം കഴിച്ച് ചാതുര്‍മാസ്യ വ്രതം ആചരിക്കുന്ന മോഡിയ്ക്ക് ഇന്ന് 65ാം പിറന്നാളിന്റെ തിരക്ക്.
കഴിഞ്ഞ വര്‍ഷം പ്രധാനമന്ത്രിയായ ശേഷമുള്ള ആദ്യ പിറന്നാള്‍ ഗുജറാത്തിലുള്ള അമ്മ ഹീരാ ബെന്നിന്റെ കൈയില്‍ നിന്ന് മധുരം നുകര്‍ന്നാണ് ആഘോഷിച്ചത്. അന്ന് തന്റെ പിറന്നാള്‍ ആഘോഷിക്കാതെ കാശ്മീരിലെ പ്രളയബാധിതര്‍ക്ക് സഹായം നല്‍കാന്‍ മോദി ആഹ്വാനം ചെയ്തിരുന്നു. ഇത്തവണ മോദി ഗുജറാത്തിലേക്ക് പോകാതെ തലസ്ഥാനത്ത് തന്നെ ഉണ്ടാകും. പിറന്നാള്‍ പരിപാടികളില്‍ പങ്കെടുക്കാന്‍ സാദ്ധ്യത കുറവാണ്. എന്നാല്‍ പാര്‍ട്ടിയും വിവിധ സംഘടനകളും പൊടിപൊടിക്കാനിരിക്കയാണ്. ഗുജറാത്ത് സര്‍ക്കാര്‍ സ്വച്ഛതാ ദിവസ് ആയി മോദിയുടെ പിറന്നാള്‍ ആഘോഷിക്കും. സൂററ്റില്‍ പാവപ്പെട്ട 65 പെണ്‍കുട്ടികളെ ദത്തെടുക്കും. ഗംഗാജലം നിറച്ച ആറര ലക്ഷം കുപ്പികള്‍ വിതരണം ചെയ്യുന്നുമുണ്ട്.
സുലഭ് ഇന്റര്‍നാഷണല്‍ 65 കിലോയുള്ള ലഡുവുമായി മോദിയുടെ ജന്മദിനം ക്ലീന്‍ ഇന്ത്യാ ദിനമായി ആചരിക്കും.
66 വയസിന്റെ പ്രതീകമായി മോദിയുടെ മണ്ഡലമായ വാരണാസിയില്‍ സ്വച്ഛ്കാശിയെന്ന പേരില്‍ സംഘടിപ്പിക്കുന്ന പരിപാടികളില്‍ എല്ലാം \'66\' ന്റെ കളികളാണ്. ഗംഗയിലെ ബോട്ടുകള്‍ക്ക് മാലിന്യം നിക്ഷേപിക്കാന്‍ 660 ചവറ്റുകുട്ടകള്‍ നല്‍കും. 6600 തൊഴിലാളികള്‍ക്ക് ആരോഗ്യപരിപാലന കിറ്റു നല്‍കും. പ്രധാന സ്‌നാനഘട്ടില്‍ 66 മീറ്ററുള്ള ബാനര്‍ ഉയരും. 66 വിളക്കുകളും അവിടെ തെളിക്കും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha