ഹിമാചല് പ്രദേശില് ടണലില് കുടുങ്ങിയ തൊഴിലാളികളെ രക്ഷിക്കാനുള്ള ശ്രമങ്ങള് തുടരുന്നു
ഹിമാചല് പ്രദേശിലെ ബിലാസ്പൂരിനടുത്ത് നിര്മ്മാണത്തിലിരിക്കുന്ന ടണല് തകര്ന്ന് കുടുങ്ങിയ തൊഴിലാളികള്ക്കായുള്ള രക്ഷാ പ്രവര്ത്തനങ്ങള് തുടരുന്നു. നാല് ദിവസമായി തൊഴിലാളികള് ടണലിനുള്ളില് കുടുങ്ങിയിരിക്കുകയാണ്. ശനിയാഴ്ച രാത്രിയാണ് അപകടമുണ്ടായത്. രക്ഷാപ്രവര്ത്തനം പുരോഗമിക്കുകയാണ്.
ടണലില് കുടുങ്ങിയ മൂന്ന് തൊഴിലാളികളില് രണ്ട് പേരോട് ഡിജിറ്റല് കാമറയും മൈക്രോഫോണും വഴി ബന്ധപ്പെടാന് സാധിച്ചതായി ബിലാസ്പൂര് ഡെപ്യൂട്ടി കമ്മീഷണര് മാനസി സഹായ് ഠാക്കൂര് പറഞ്ഞു. മൂന്നാമത്തെ തൊഴിലാളിയെപ്പറ്റി ഇതുവരെ വിവരം ലഭിച്ചിട്ടില്ല. മറ്റ് രണ്ട് തൊഴിലാളികള്ക്കും ഓക്സിജനും ഭക്ഷണവും വെള്ളവുമെത്തിക്കാന് കഴിയുന്നുണ്ട്.
രക്ഷാപ്രവര്ത്തനത്തിന് സാദ്ധ്യമായതെല്ലാം ചെയ്യാന് മുഖ്യമന്ത്രി വീരഭദ്ര സിംഗ് ഉദ്യോഗസ്ഥര്ക്ക് നിര്ദ്ദേശം നല്കി. ടണല് നിര്മ്മാണത്തിനിടെയുണ്ടായ അപകടം സംബന്ധിച്ച് അന്വേഷണം നടത്തുമെന്നും മുഖ്യമന്ത്രി അറിയിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
