സമാജ്വാദി പാര്ട്ടി നേതാവ് മുലായം സിംഗിന്റെ മൂന്നാം മുന്നണിയല്ല, സംസ്ഥാനത്ത് ഒരു മുന്നണിയേയുള്ളൂവെന്ന് ശരദ് യാദവ്
സമാജ്വാദി പാര്ട്ടി നേതാവ് മുലായം സിംഗിന്റെ മൂന്നാം മുന്നണിയല്ല, സംസ്ഥാനത്ത് ഒരു മുന്നണിയേയുള്ളൂവെന്ന് ജെഡി-യു അധ്യക്ഷന് ശരദ് യാദവ്. ആര്ജെഡിയും കോണ്ഗ്രസും ജെഡി-യുവും ചേര്ന്ന വിശാല മതേതരമുന്നണിയാണത്. മുന്നണിക്കുള്ളില് ഭിന്നതയുണെ്ടന്ന തരത്തിലുള്ള വാര്ത്തകള് അടിസ്ഥാന രഹിതമാണ്. കോണ്ഗ്ര സുമായി സീറ്റ് വിഭജനചര്ച്ച പൂര്ത്തിയായശേഷം ഒക്ടോബര്-നവംബര് മാസങ്ങളില് നടക്കുന്ന തെരഞ്ഞെടുപ്പില് മത്സരിക്കുന്നവരുടെ അന്തിമ പട്ടിക പ്രഖ്യാപിക്കുമെന്നു ശരദ് യാദവ് പറഞ്ഞു. മുഖ്യമന്ത്രിയുടെ വികസനപദ്ധതികള് നിരത്തിയാണു ജനങ്ങളിലേക്ക് ഇറങ്ങുകയെന്നും യാദവ് കൂട്ടിച്ചേര്ത്തു.
കോണ്ഗ്രസ് ഉപാധ്യക്ഷന് രാഹുല്ഗാന്ധിയുടെ വെസ്റ്റ് ചമ്പാരന് ജില്ലയിലെ റാലിക്ക് മുഖ്യമന്ത്രി നിതീഷ് കുമാറും ആര്ജെഡി അധ്യക്ഷന് ലാലു പ്രസാദ് യാദവും പങ്കെടുക്കാത്തതു മനഃപൂര്വമല്ല. പാര്ട്ടി മെംബര്ഷിപ് പ്രചാരണവുമായി ബന്ധപ്പെട്ട് ഇരുവരും തിരക്കായതിനാലാണ്. ഇന്നു രാംനഗറില് നടക്കുന്നതു ഭരണഘടനാശില്പി ബി.ആര്. അംബേദ്കറുടെ 125-ാം ജന്മവാര്ഷികാചരണമാണ്. കോണ്ഗ്രസാണു പരിപാടി സംഘടിപ്പിച്ചിരിക്കുന്നത്. മുന്നണിയിലെ മറ്റു നേതാക്കളെല്ലാം രാഹുലിന്റെ റാലിയില് പങ്കെടുക്കുന്നുണെ്ടന്നും ഇക്കാര്യം രാഹുലിനെ അറിയിച്ചിട്ടുണെ്ടന്നും ശരദ് യാദവ് പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
