ഓടിക്കൊണ്ടിരുന്ന ബസിലെ ഡ്രൈവര് ഹൃദയാഘാതം മൂലം കുഴഞ്ഞു വീണു മരിച്ചു, നിയന്ത്രണംവിട്ട ബസിടിച്ച് രണ്ടു മരണം, നിരവധി പേര്ക്ക് പരിക്ക്
ഉത്തര ഡല്ഹിയിലെ ചാന്ദിനി ചൗക്ക് വെള്ളിയാഴ്ച ദാരുണസംഭവരത്തിന് സാക്ഷിയായി. ഓടിക്കൊണ്ടിരുന്ന ബസിലെ ഡ്രൈവര് ഹൃദയാഘാതം മൂലം കുഴഞ്ഞുവീണ് മരിച്ചു. ഇതിനിടെ നിയന്ത്രണംവിട്ട ബസ് അമിത വേഗതയില് പാഞ്ഞുകയറി രണ്ടു പേര് മരിച്ചു. ആറു പേര്ക്ക് പരുക്കേറ്റു. പഴയ ഡല്ഹി റെയില്വേ സ്റ്റേഷന് അംബേദ്കര് നഗര് റൂട്ടില് സര്വീസ് നടത്തുന്ന ഒരു ക്ല്സ്റ്റര് ബസാണ് അപകടത്തില്പെട്ടത്.ഡ്രൈവര് വജീദ് അലിയാണ് മരിച്ചത്. ചെങ്കോട്ടയ്ക്കു സമീപം വച്ച് ഹൃദയാഘാതം വന്നതോടെ വജീദ് സ്റ്റീയറിംഗിലേക്ക് കുഴഞ്ഞുവീണു. ഇതിനിടെ ആക്സിലേറ്ററില് കാല് അമര്ന്നിരുന്നതോടെ ബസ് അമിത വേഗതയില് കുതിച്ച് റോഡിലുണ്ടായിരുന്ന ഒരു ടെംപോയും ഓട്ടോറിക്ഷയും ഇടിച്ചുതെറിപ്പിച്ചു.
ടെമ്പോയില് ചരക്ക് കയറ്റിക്കൊണ്ടിരുന്ന ചുമട്ടുതൊഴിലാളി കേശവ് പ്രസാദ് (48) ആണ് മരിച്ചവരില് ഒരാള്. ഓട്ടോയ്ക്കും ബസിനും ഇടയില്പെട്ട് ഒരു തെരുവു കച്ചവടക്കാരനും മരിച്ചു. പരുക്കേറ്റവരെ ആശുപത്രിയിലേക്ക് മാറ്റി.
ബസ് അപകടത്തില്പെട്ടതോടെ രോഷാകുലരായ നാട്ടുകാര് ഡ്രൈവറെ ആക്രമിക്കുന്നതിനായി ബസിനുള്ളിലേക്ക് കയറി. എന്നാല് അബോധാവസ്ഥയില് കിടന്ന ഡ്രൈവറെയാണ് കാണാന് കഴിഞ്ഞത്. ഇയാളെ പിടിച്ചെഴുന്നേല്പ്പിക്കാന് ശ്രമിച്ചുവെങ്കിലും കഴിഞ്ഞില്ല. ഇതിനകം മരണം നടന്നിരുന്നുവെന്ന് പോലീസ് വ്യക്തമാക്കി. മൃതദേഹം പോസ്റ്റുമോര്ട്ടത്തിനായി ആശുപത്രിയിലേക്ക് മാറ്റി.
െ്രെഡവര് മരിച്ചുവെങ്കിലും അപകടത്തില് കേസെടുത്തിട്ടുണ്ടെന്ന് പോലീസ് പറഞ്ഞു. അശ്രദ്ധമായി വാഹനമോടിച്ച് അപകടം വരുത്തിവച്ചു (സെക്ഷന് 304എ), അമിതവേഗതയില് വാഹനം ഓടിച്ചു (സെക്ഷന് 279) എന്നീ വകുപ്പുകള് പ്രകാരമാണ് കേസെടുത്തതെന്ന് ഉത്തര ഡല്ഹി ഡിസിപി മധൂര് വര്മ്മ അറിയിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
