ദേശീയ എന്ക്രിപ്ഷന് പോളിസിയുടെ കരട് പിന്വലിക്കും
സ്വകാര്യതയ്ക്കുമേല് കരിനിഴല് വീഴ്ത്തുന്ന വിവാദ ദേശീയ എന്ക്രിപ്ഷന് പോളിസിയുടെ കരട് രൂപം സര്ക്കാര് പിന്വലിക്കും. നയത്തിലെ നിര്ദേശങ്ങള് വിവാദമായതിനെ തുടര്ന്നാണ് സര്ക്കാര് പിന്വലിക്കാന് ഒരുങ്ങുന്നത്. വാട്സ്ആപ് ഉള്പ്പെടെയുള്ള സംവിധാനങ്ങള്ക്കുമേല് കടുത്ത നിയന്ത്രണങ്ങള് ഏര്പ്പെടുത്താവുന്ന തരത്തിലാണ് ഇലക്ട്രോണിക് ആന്ഡ് ഇന്ഫര്മേഷന് ടെക്നോളജി വകുപ്പിനു കീഴിലുള്ള വിദഗ്ധ സമിതി ദേശീയ എന്ക്രിപ്ഷന് പോളിസിയുടെ കരടു രൂപം തയാറാക്കിയത്. വാട്സ് ആപ്പിനു പുറമേ ഗൂഗിള് സേവനങ്ങള്ക്കും ആപ്പിള് ഐ മെസേജുകള്ക്കും നിയന്ത്രണം ഏര്പ്പെടുത്തുന്നതിനുള്ളതാണ് നാഷണല് എന്ക്രിപ്ഷന് പോളിസിയുടെ കരടു രൂപം. വാട്സ് ആപ് സന്ദേശങ്ങള് 90 ദിവസത്തേക്കു ഡിലീറ്റ് ചെയ്യാന് പാടില്ലെന്നതാണു കരടു നയത്തിലുള്ള ശ്രദ്ധേയ നിര്ദേശങ്ങളില് ഒന്ന്. സര്ക്കാരിന്റെ സുരക്ഷാ ഏജന്സികള് ആവശ്യപ്പെടുകയാണെങ്കില് ഈ സന്ദേശങ്ങള് അതേ രൂപത്തില് കൈമാറുകയും ചെയ്യണം. ഈ വിവരങ്ങള് കൈമാറാന് തയാറായില്ലെങ്കില് കേസെടുക്കാനുള്ള വകുപ്പുകളുമുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
https://www.facebook.com/Malayalivartha
