യു.പിയില്‍ ടൈപ്പ് റെറ്റര്‍ നശിപ്പിക്കപ്പെട്ട നിസഹായനായ വൃദ്ധന് നേരെ വീണ്ടും ഭീഷണി. 72കാരനായ കൃഷ്ണ കുമാര്‍ എന്ന വൃദ്ധന്റെ ടൈപ്പ് റൈറ്റര്‍ യു.പി പോലീസിലെ ഒരു എസ്.ഐ ചവുട്ടി നശിപ്പിക്കുന്നതിന്റെ ദൃശ്യങ്ങള്‍ സോഷ്യല്‍ മീഡിയില്‍ വൈറലായിരുന്നു. ഇതിന് പിന്നാലെ വൃദ്ധന് നേരെ അതിക്രമം കാട്ടിയ പ്രദീപ് കുമാര്‍ എന്ന എസ്.ഐയെ യു.പി സര്‍ക്കാര്‍ സസ്‌പെന്‍ഡ് ചെയ്യുകയും ചെയ്തിരുന്നു.

ഇതിന് പുറമെ കൃഷ്ണ കുമാറിന് പുതിയ ടൈപ്പ് റൈറ്ററും ഒരു ലക്ഷം രൂപ സാമ്പത്തിക സഹായവും യു.പി മുഖ്യമന്ത്രി അഖിലേഷ് യാദവ് നല്‍കി. അഖിലേഷ് യാദവ് കൃഷ്ണ കുമാറിന് സാമ്പത്തിക സഹായം പ്രഖ്യാപിച്ചതിന് പിന്നാലൊണ് അദ്ദേഹത്തിന് ഫോണിലൂടെ ഭീഷണി സന്ദേശം ലഭിച്ചത്. എസ്.ഐയെ സസ്‌പെന്‍ഡ് ചെയ്യുന്നതിന് കാരണക്കാരനായ കൃഷ്ണ കുമാര്‍ ഇപ്പോള്‍ ഹീറോ ആയിരിക്കാം എന്നാല്‍ പിന്നീട് അനുഭവിക്കേണ്ടി വരുമെന്നും പ്രത്യാഘാതം നേരിടേണ്ടി വരുമെന്നുമാണ്് ഭീഷണി.

കമ്പ്യൂട്ടര്‍ വന്നതോടെ ജോലി കുറഞ്ഞ വൃദ്ധന്‍ പ്രതിദിനം ലഭിക്കുന്ന അമ്പതോ അറുപതോ രൂപ കൊണ്ടാണ് ജീവിതത്തിന്റെ രണ്ടറ്റവും കൂട്ടിമുട്ടിക്കുന്നതെന്ന് ജില്ലാ മജിസ്‌ട്രേറ്റ് രാജ് ശേഖര്‍ പറഞ്ഞു. സംസ്ഥാന സര്‍ക്കാര്‍ നിര്‍ദ്ദേശ പ്രകാരം കൃഷ്ണ കുമാറിനെ വീട്ടിലെത്തി സന്ദര്‍ശിച്ച ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം. കുറഞ്ഞ വരുമാനം കൊണ്ട് ഞെരുങ്ങി ജീവിക്കുന്നതിനിടെയാണ് കൃഷ്ണ കുമാര്‍ പോലീസ് ഗുണ്ടായിസത്തിന് ഇരയായത്. ഫോട്ടോഗ്രാഫറായ അശുതോഷ് ത്രിപാഠി എന്ന യുവാവാണ് സോഷ്യല്‍ മീഡിയയില്‍ വൈറലായ ചിത്രങ്ങള്‍ പകര്‍ത്തിയത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha