ഇസ്രയേലില്‍ നിന്ന് ഡ്രോണ്‍ യുദ്ധവിമാനങ്ങള്‍ വാങ്ങാന്‍ കേന്ദ്രസര്‍ക്കാര്‍ തീരുമാനം. പാകിസ്ഥാനും ചൈനയും വ്യോമാക്രമണത്തിന് ഡ്രോണ്‍ സജ്ജമാക്കിയിട്ടുള്ള സാഹചര്യത്തില്‍ കൂടിയാണ് തീരുമാനം. നിലവില്‍ പാകിസ്ഥാന്‍, ഭീകരരെ നേരിടാന്‍ ഡ്രോണ്‍ വലിയ തോതില്‍ ഉപയോഗിക്കുന്നുണ്ട്.

ബി.എസ്.എഫിന് പാക് മേഖലയില്‍ നിന്നുള്ള ഡ്രോണ്‍ ആക്രമണങ്ങള്‍ തടയാന്‍ മതിയായ പ്രതിരോധ സംവിധാനമില്ലെന്നുള്ള റിപ്പോര്‍ട്ടുകള്‍ പുറത്തുവന്നിരുന്നു. മൂന്ന് വര്‍ഷം മുമ്പു തന്നെ ഇസ്രയേലില്‍ നിന്ന് യുദ്ധാവശ്യത്തിനുള്ള ഡ്രോണുകള്‍ വാങ്ങുന്നത് സംബന്ധിച്ച് ആലോചനകളുണ്ടായിരുന്നെങ്കിലും തീരുമാനം വേഗത്തിലാക്കാന്‍ വ്യോമസേന ആവശ്യപ്പെട്ടതിനെ തുടര്‍ന്നാണ് പ്രതിരോധ മന്ത്രാലയത്തിന്റെ നീക്കം. ആളില്ലാ നിരീക്ഷണ വിമാനങ്ങള്‍ ഇതിനകം തന്നെ ഇസ്രയേലില്‍ നിന്ന് ഇന്ത്യ വാങ്ങിയിട്ടുണ്ട്. 2620 കോടിക്കാണ് ഇസ്രയേലില്‍ നിന്ന് ഇന്ത്യ ഹെറോണ്‍ ഡ്രോണ്‍ വാങ്ങുന്നത്.

പാകിസ്ഥാനിലെ അമേരിക്കന്‍ വ്യോമസേനയും അല്‍ ക്വഇദയുടേയും താലിബാന്റെയും താവളങ്ങള്‍ക്ക് നേരെ വ്യാപകമായി ഡ്രോണ്‍ ആക്രമണം നടത്തുന്നുണ്ട്. പാക് വ്യോമസേനയ്ക്ക് വലിയ തോതില്‍ സാങ്കേതിക വിദ്യ ചൈന കൈമാറുന്നുണ്ട്. അതേ സമയം ചൈനീസ് വ്യോമസേനയുടെ ഡ്രോണ്‍ വിമാനങ്ങള്‍ ഇസ്രയേലിന്റേതിനെ അപേക്ഷിച്ച് നിലവാരം കുറഞ്ഞതാണെന്നാണ് സൈനിക വൃത്തങ്ങളുടെ വിലയിരുത്തല്‍. സ്വന്തമായി ഡ്രോണുകള്‍ വികസിപ്പിക്കാനുള്ള ശ്രമവും ഇന്ത്യ നടത്തുന്നുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha