സംവരണ നയം പുനഃപരിശോധിക്കണമെന്ന ആര്‍എസ്എസ് മേധാവിയുടെ ആവശ്യം കേന്ദ്രം തള്ളി. സംവരണനയത്തില്‍ ഒരുതരത്തിലുള്ള മാറ്റവും വരുത്താന്‍ സര്‍ക്കാര്‍ ആലോചിക്കുന്നില്ലെന്നു കേന്ദ്രമന്ത്രി രവി ശങ്കര്‍ പ്രസാദ് പറഞ്ഞു. പിന്നോക്ക ദളിത് വിഭാഗങ്ങളുടെ സാമ്പത്തിക, സാമൂഹിക, വിദ്യാഭ്യാസ ഉന്നമനത്തിന് സംവരണം ആവശ്യമാണെന്നാണു സര്‍ക്കാര്‍ വിശ്വസിക്കുന്നത്. നയം പുന:പരിശോധിക്കേണ്ട കാര്യമില്ലെന്നും അദ്ദേഹം വ്യക്തമാക്കി. സംവരണ നയം പുനഃപരിശോധിക്കണമെന്ന് ആര്‍എസ്എസ് മേധാവി മോഹന്‍ ഭാഗവതാണ് കഴിഞ്ഞ ദിവസം ആവശ്യപ്പെട്ടത്. രാഷ്ട്രീയ താല്‍പര്യങ്ങള്‍ക്കുവേണ്ടിയാണു സംവരണം ഉപയോഗിക്കുന്നത്. സംവരണം ആവശ്യമാണോയെന്നും എത്രനാള്‍ ഇതു തുടരണമെന്നും ഒരു സമിതിയെ നിയോഗിച്ച് പഠിക്കണമെന്നും അദ്ദേഹം ആവശ്യപ്പെട്ടു. ആര്‍എസ്എസിന്റെ മുഖപത്രമായ ഓര്‍ഗനൈസറിനു നല്‍കിയ അഭിമുഖത്തിലാണു ഭാഗവത് ഇക്കാര്യം പറഞ്ഞത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക 

https://www.facebook.com/Malayalivartha