കുമുദത്തിന്റെ സദാചാര പൊലീസിംഗിന് എതിരെ സോഷ്യല് മീഡിയയില് പ്രതിഷേധം ശക്തം
ലെഗ്ഗിംഗ്സ് ആഭാസമെന്നും യുവതികള് പരിധി വിടുന്നെന്നും തമിഴ് ദൈ്വവാരികയുടെ കവര് സ്റ്റോറി. ലെഗ്ഗിംഗ്സിട്ട യുവതികളുടെ മൂന്ന് ചിത്രങ്ങളോട് കൂടിയ കവറില് ഇറങ്ങിയ പുതിയ ലക്കത്തിലാണ് കുമുദത്തിന്റെ സ്ത്രീ വിരുദ്ധ ലേഖനം.
\'കുമുദ\'ത്തിന്റെ സദാചാര പൊലീസിംഗിനെതിരെ സോഷ്യല് മീഡിയയില് പ്രതിഷേധം ശക്തമാണ്. പൊതു പ്രവര്ത്തകരും രാഷ്ട്രീയക്കാരും വിഷയം ഏറ്റെടുത്തതോടെ ഓണ്ലൈനില് ആരംഭിച്ച ഹര്ജിയില് അനുകൂലിക്കുന്നവരുടെ എണ്ണവും കൂടി. \'കുമുദം സ്ത്രീകളെ അവഹേളിക്കുന്നതിന്റെ ഉത്തരവാദിത്വമേറ്റെടുത്ത് മാപ്പു പറയുക\' എന്ന പേരിലാണ് ഓണ്ലൈന് ഹര്ജി. ബുധനാഴ്ച ആരംഭിച്ച ഹര്ജിയില് 6000 പേര് ഇതുവരെ പിന്തുണച്ചിട്ടുണ്ട്.
ഫോട്ടോകള് വ്യക്തികളുടെ അനുമതിയോടെയല്ല പ്രസിദ്ധീകരിച്ചതെന്ന് ഹര്ജിക്ക് തുടക്കമിട്ട മുതിര്ന്ന പത്രപ്രവര്ത്തക കവിതാ മുരളീധരന് പറഞ്ഞു. ഇതാദ്യമായല്ല പ്രസിദ്ധീകരണം സ്ത്രീകളെ മോശമായി ചിത്രീകരിക്കുന്നതെന്നും ഇത്തരത്തിലുള്ള നിരവധി ലേഖനങ്ങള് ഇവര് നേരത്തേ കൊടുത്തിട്ടുണ്ടെന്നും സദാചാര പൊലീസുമായി മുന്നോട്ട് പോകാനാണ് ഉദ്ദേശമെങ്കില് സമാധാനം പറയേണ്ടി വരുമെന്നും കവിത ഓര്മ്മിപ്പിച്ചു.
രാജ്യത്ത് അങ്ങോളമിങ്ങോളമുള്ള നിരവധി പേര് പ്രസിദ്ധീകരണത്തിനെതിരെ ശക്തമായ പ്രതിഷേധവുമായി രംഗത്തെത്തിയിട്ടുണ്ട്. എന്നാല് വിവാദ ലേഖനത്തെ കുറിച്ച് പ്രതികരിക്കാന് \'കുമുദം\' തയ്യാറായിട്ടില്ല.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
