ചെന്നൈയില് തടവുകാര് ജയില് അധികൃതരെ ആക്രമിച്ചു: നിരവധി പേര്ക്ക് പരിക്ക്
ഭക്ഷണത്തര്ക്കം തമ്മില്ത്തല്ലില് കലാശിച്ചു. ചെന്നൈയിലെ പുഴല് സെല്ട്രല് ജയിലില് തടവുകാരുടെ ആക്രമണത്തില് നാല് ജയില് ഉദ്യോഗസ്ഥര്ക്ക് പരുക്ക്. മൂന്ന് അല് ഉമ്മ പ്രവര്ത്തകരാണ് ആക്രമണം നടത്തിയതെന്നാണ് പൊലീസ് നല്കുന്ന വിവരം. രണ്ട് ഉദ്യോഗസ്ഥരെ ഇവര് ബന്ദികളാക്കുകയും ചെയ്തു. ഭക്ഷണവുമായി ബന്ധപ്പെട്ട തര്ക്കത്തെ തുടര്ന്നാണ് തടവുകാര് ജയിലധികൃതരെ ആക്രമിച്ചതെന്നാണ് സൂചന.
അനുരഞ്ജന സംഭാഷണത്തിനായി സ്ഥലം എം.എല്.എയും ഒരു അഭിഭാഷകനും വരണമെന്നാണ് അക്രമികള് ആവശ്യപ്പെട്ടത്. മണിക്കൂറുകളോളം നീണ്ട ചര്ച്ചകള്ക്കൊടുവിലാണ് ഉദ്യോഗസ്ഥരെ വിട്ടയയ്ക്കാന് തടവുകാര് തയ്യാറായത്. ഇവരുടെ കൂടെ മറ്റ് 15 തടവുകാരും ഉണ്ടായിരുന്നെന്ന് ജയില് സന്ദര്ശിച്ച അഡീഷണല് ജയില് ഡി.ജി.പി ജെ.കെ.ത്രിപാഠി പറഞ്ഞു. മധുര, വെല്ലൂര്, സേലം എന്നിവിടങ്ങളിലായി ഹിന്ദു മുന്നണി ഉള്പ്പടെയുള്ള സംഘടനകളുടെ അഞ്ചോളം പ്രവര്ത്തകരുടെ വധവുമായി ബന്ധപ്പെട്ടാണ് അല് ഉമ്മ പ്രവര്ത്തകരെ അറസ്റ്റ് ചെയ്തത്.
അല് ഉമ്മ പ്രവര്ത്തകരായ ഫക്രുദീന്, പന്നാ ഇസ്മായില്, ബിലാല് മാലിക് എന്നിവരാണ് ആക്രമണം നടത്തിയത്. ഇവര്ക്ക് കുടിക്കാന് പാനീയങ്ങള് കൊണ്ടുവരുന്നതില് നിന്ന് സന്ദര്ശകരെ ജയിലധികൃതര് വിലക്കിയിരുന്നു. ഇത് തര്ക്കത്തിന് കാരണമാവുകയും തുടര്ന്ന് ഉദ്യോഗസ്ഥരെ തടവുകാര് ആക്രമിക്കുകയുമായിരുന്നു. ജയില് വാര്ഡര്മാരായ മുത്തുമണി, രവി മോഹന്, സെല്വിന് ദേവദാസ് എന്നിവര്ക്ക് സാരമായി സാരമായി പരുക്കേറ്റു. തുടര്ന്ന് അസിസ്റ്റന്റ് ജയിലര് കുമാറിനെയും വാര്ഡര് മാരിയെയും ബന്ദികളാക്കുകയും ചെയ്തു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
