മഹാരാഷ്ട്രയിലെ ഭരണ പ്രതിസന്ധി ഇന്ന് സുപ്രീംകോടതിയില്.... ഡെപ്യൂട്ടി സ്പീക്കര്ക്കെതിരായ അവിശ്വാസ പ്രമേയം നിരസിച്ചതിനെതിരെയും ഏക്നാഥ് ഷിന്ഡെ ഉള്പ്പെടെ പതിനഞ്ച് വിമത എംഎല്എമാര് നല്കിയ ഹര്ജിയിലാണ് സുപ്രീംകോടതിയുടെ അവധിക്കാല ബെഞ്ച് വാദം കേള്ക്കുക
മഹാരാഷ്ട്രയിലെ ഭരണ പ്രതിസന്ധി ഇന്ന് സുപ്രീംകോടതിയില്. അജയ് ചൗധരിയെ ശിവസേന നിയമസഭ കക്ഷി നേതാവാക്കിയത് ചോദ്യം ചെയ്തും.
ഡെപ്യൂട്ടി സ്പീക്കര്ക്കെതിരായ അവിശ്വാസ പ്രമേയം നിരസിച്ചതിനെതിരെയും ഏക്നാഥ് ഷിന്ഡെ ഉള്പ്പെടെ പതിനഞ്ച് വിമത എംഎല്എമാര് നല്കിയ ഹര്ജിയിലാണ് സുപ്രീംകോടതിയുടെ അവധിക്കാല ബെഞ്ച് വാദം കേള്ക്കുക.
രാവിലെ പത്തരയോടെ കേസ് പരിഗണിക്കും. ശിവസേനയിലെ മൂന്നില് രണ്ട് എംഎല്എമാരുടെ പിന്തുണ ഉള്ള തന്നെ നിയമസഭ കക്ഷി നേതാവ് സ്ഥാനത്തുനിന്ന് നീക്കിയ നടപടി തെറ്റാണെന്നും ഹര്ജിയിലുണ്ട്. അവിശ്വാസ പ്രമേയത്തിനുള്ള സാധ്യത നിലനില്ക്കുന്നതിനാല് അയോഗ്യത അപേക്ഷയില് തീരുമാനമെടുക്കരുതെന്ന് ഡെപ്യൂട്ടി സ്പീക്കര്ക്ക് നിര്ദേശം നല്കണമെന്നും ഹര്ജിയില് പറയുന്നു.
ജസ്റ്റിസുമാരായ സൂര്യകാന്ത്, ജെ.ബി പാര്ഡിവാല എന്നിവരടങ്ങിയ ബെഞ്ചാണ് ഹര്ജിയില് വാദം കേള്ക്കുക. അതേ സമയം, രാഷ്ട്രീയ പ്രതിസന്ധി തുടരുന്നതിനിടെ മഹാരാഷ്ട്രയിലെ വിമത എംഎല്എമാരുടെ സുരക്ഷയില് ഗവര്ണര് ആശങ്ക രേഖപ്പെടുത്തി. കേന്ദ്രം എംഎല്എമാര്ക്ക് വൈപ്ലസ് കാറ്റഗറി സുരക്ഷ വാഗ്ദാനം ചെയ്തതിന് പിന്നാലെ ഗവര്ണര് മഹാരാഷ്ട്ര ഡിജിപിക്കും മുംബൈ പൊലീസ് കമ്മീഷണര്ക്കും കത്തയച്ചു. എംഎല്എമാരുടെ ഓഫീസുകള്ക്കും കുടുംബാംഗങ്ങള്ക്കും സുരക്ഷ ഏര്പ്പെടുത്തണമെന്ന് ഗവര്ണര് ആവശ്യപ്പെട്ടു.
കേന്ദ്ര സേനയെ അടിയന്തര സാഹചര്യത്തില് സംസ്ഥാനത്തേക്ക് അയക്കാന് തയ്യാറാക്കി നിര്ത്തണമെന്ന് കേന്ദ്ര ആഭ്യന്തര സെക്രട്ടറിക്കും ഗവര്ണര് കത്തയച്ചിട്ടുണ്ട്.
കൊവിഡ് മുക്തനായി ഇന്നലെയാണ് ഗവര്ണര് രാജ്ഭവനിലെത്തിയത്. താനെയില് ഏക്നാഥ് ശിന്ഡെയുടെ മകന്റെ ഓഫീസ് ആക്രമിച്ച ഏഴ് ശിവസേന പ്രവര്ത്തകരെ പൊലീസ് പിടികൂടിയിരുന്നു. അക്രമ സംഭവങ്ങളുടെ പശ്ചാത്തലത്തില് താനെയിലും മുംബൈയിലും നിരോധനാഞ്ജ തുടരുന്നു.
https://www.facebook.com/Malayalivartha
