ചന്ദ്രനെ ഹിന്ദു രാഷ്ട്രമായ് പ്രഖ്യാപിക്കുക മാത്രമല്ലെ അവിടെ ക്ഷേത്രവും കൂടി പണിയാം. ചന്ദ്രയാന്‍ 3ന്റെ വിജയത്തില്‍ ഇന്ത്യ തലയെടുപ്പോടെ നില്‍ക്കുമ്പോള്‍ നാണംകെടുത്താനായ് ഓരോന്ന് ഇറങ്ങിക്കോളും. ചന്ദ്രനെ 'ഹിന്ദു രാഷ്ട്രമായി' പ്രഖ്യാപിക്കണമെന്ന് ഓള്‍ ഇന്ത്യ ഹിന്ദു മഹാസഭ ദേശീയ അധ്യക്ഷന്‍ ചക്രപാണി മഹാരാജിന്റെ മുഴുത്ത മണ്ടത്തരം. മറ്റു മതങ്ങള്‍ ചന്ദ്രനില്‍ ഉടമസ്ഥാവകാശം സ്ഥാപിക്കുന്നതിനു മുന്‍പ് ഇന്ത്യ അധികാരം കാണിക്കണമെന്ന് കേന്ദ്രസര്‍ക്കാരിനോട് ചക്രപാണി ആവശ്യപ്പെട്ടിരിക്കുന്നത്.ഇതു സംബന്ധിച്ച പ്രമേയം പാര്‍ലമെന്റ് പാസാക്കണമെന്നും മൂപ്പര് ആവശ്യപ്പെട്ടിരിക്കുന്നത്. ഈ രാജ്യത്തെ ഇങ്ങനെ നാണംകെടുത്തുന്നത് ഇവരൊക്കെ തന്നെയാണ്. ഈ രാജ്യം ഇന്ന് നേരിടുന്ന ഏറ്റവും വലിയ ഗതികേട് മതഭ്രാന്താണ്.

സമൂഹമാധ്യമത്തില്‍ പങ്കുവച്ച വിഡിയോയിലൂടെയാണ് ചക്രപാണി മഹാരാജ് ഇക്കാര്യം ആവശ്യപ്പെട്ടത്. 'ഒരു ഭീകരനും' അവിടെയെത്തുന്നതിനുമുന്‍പ് ഇന്ത്യന്‍ സര്‍ക്കാര്‍ പെട്ടെന്ന് നടപടിയെടുക്കണമെന്നും അദ്ദേഹം ആവശ്യപ്പെട്ടു. ''ചന്ദ്രനെ ഹിന്ദു സാനാതന രാഷ്ട്രമായി പാര്‍ലമെന്റ് പ്രഖ്യാപിക്കണം. ചന്ദ്രയാന്‍ 3 ലാന്‍ഡ് ചെയ്ത സ്ഥലമായ ശിവശക്തി പോയിന്റ് അതിന്റെ തലസ്ഥാനമായി പ്രഖ്യാപിക്കണം. കാരണം, ജിഹാദി മനസ്ഥിതിയുള്ള ഒരു ഭീകരനും അവിടെയെത്തരുത്'' സ്വാമി ചക്രപാണി മഹാരാജ് വിഡിയോയിലൂടെ പറഞ്ഞു. ചന്ദ്രയാന്‍ 3 ഇറങ്ങിയ ചന്ദ്രന്റെ ധക്ഷിണധ്രുവം ഇനിമുതല്‍ ശിവശക്തി പോയിന്റ് എന്ന് അറിയപ്പെടുമെന്ന് കഴിഞ്ഞ ദിവസം പ്രധാനമന്ത്രി നരേന്ദ്ര മോദി അറിയിച്ചിരുന്നു. അതുതന്നെ വലിയ പരിഹാസത്തിനാണ് വഴിവെച്ചത്. എല്ലാത്തിന്റെയും വാലറ്റത്ത് ഈ മതത്തെ കെട്ടാന്‍ നടക്കുന്നത് എന്തിനാണ്. മോദിയുടെ ശിവശക്തി പ്രസ്താവനയ്ക്ക് പിന്നാലെയാണ് ഹിന്ദു സംഘടനകല്‍ ഇതുപോലെ ആവശ്യങ്ങളുമായ് വന്നിരിക്കുന്നത്. ഇനി എന്നാണോ അവിടെ ക്ഷേത്രം പണിയണം എന്ന് പറയുന്നത്.

വിവാദ പരാമര്‍ശങ്ങള്‍ നടത്തി മുന്‍പും പ്രസിദ്ധനാണ് സ്വാമി ചക്രപാണി. 2020ല്‍ രാജ്യം കോവിഡ് മഹാമാരിയെ നേരിടുമ്പോള്‍ 'ഗോമൂത്ര പാര്‍ട്ടി'യും ഇദ്ദേഹത്തിന്റെ നേതൃത്വത്തില്‍ സംഘടിപ്പിച്ചിരുന്നു. ഇദ്ദേഹവും ഓള്‍ ഇന്ത്യ ഹിന്ദു മഹാസഭാ അംഗങ്ങളും കോവിഡിനെ പ്രതിരോധിക്കാന്‍ ഡല്‍ഹിയില്‍ നടത്തിയ ചടങ്ങില്‍ ഗോമൂത്രം കുടിക്കുകയും ചെയ്തു. മൃഗങ്ങളെ കൊന്ന് ഭക്ഷിക്കുന്നവര്‍ക്കാണ് കോവിഡ് വരുന്നതെന്നാണ് അന്നത്തെ ചടങ്ങില്‍ സ്വാമി ചക്രപാണി പറഞ്ഞത്. ''നിങ്ങള്‍ ഒരു മൃഗത്തെ കൊല്ലുകയാണെങ്കില്‍ അവിടെയൊരു ഊര്‍ജം രൂപപ്പെടും. അത് അവിടം നശിപ്പിക്കും. ആഗോള നേതാക്കള്‍ ഇന്ത്യയില്‍നിന്നു ഗോമൂത്രം കയറ്റുമതി ചെയ്യണം. ഇന്ത്യന്‍ ഗോക്കളില്‍ മാത്രമാണ് ദൈവം കുടിയിരിക്കുന്നത്, വിദേശ പശുക്കളിലില്ല'' സ്വാമി ചക്രപാണി അന്നു പറഞ്ഞു.

2018ല്‍ കേരളത്തിലുണ്ടായ പ്രളയത്തെക്കുറിച്ചും അദ്ദേഹം വിവാദ പ്രസ്താവന നടത്തിയിരുന്നു. ബീഫ് കഴിക്കുന്ന ആളുകളുള്ള സംസ്ഥാനത്തിന് ഒരു സഹായവും ചെയ്യരുതെന്നായിരുന്നു അദ്ദേഹത്തിന്റെ നിലപാട്. ഈ വര്‍ഷമാദ്യം ബോളിവുഡ് സിനിമകളും, വെബ്‌സീരിസുകളും മ്യൂസിക് വിഡിയോകളും മറ്റും സെന്‍സര്‍ ചെയ്യുന്നതിനായി 'ധര്‍മ സെന്‍സര്‍ ബോര്‍ഡ്' എന്ന പേരിലൊരു സംവിധാനം ഉണ്ടാക്കുകയും ചെയ്ത്. ഹിന്ദു മതത്തെ അപമാനിക്കുന്നവ പരിശോധിക്കുകയാണ് ഇതിന്റെ ദൗത്യം.