ഗാര്‍ഹിക എല്‍.പി.ജി സിലിണ്ടറിന് 200 രൂപ കേന്ദ്ര സര്‍ക്കാര്‍ വെട്ടിക്കുറച്ചു... ഇന്നലെ മുതല്‍ വിലക്കുറവ് പ്രാബല്യത്തില്‍ഗാര്‍ഹിക എല്‍.പി.ജി സിലിണ്ടറിന് 200 രൂപ കേന്ദ്ര സര്‍ക്കാര്‍ വെട്ടിക്കുറച്ചു.പ്രധാന്‍മന്ത്രി ഉജ്ജ്വല പദ്ധതി പ്രകാരമുള്ള സിലിണ്ടറിന് നേരത്തേ 200 രൂപ കുറച്ചിരുന്നു. ഇതോടെ 400 രൂപയുടെ ആനുകൂലമാണ് ആ വിഭാഗത്തിന് ലഭിക്കുന്നത്. ഉജ്ജ്വല പദ്ധതി പ്രകാരം പുതുതായി 75 ലക്ഷം കണക്ഷനും നല്‍കും.

ഇന്നലെ മുതല്‍ വിലക്കുറവ് പ്രാബല്യത്തില്‍ വന്നു. കൂടുതല്‍ ജനപ്രിയ പ്രഖ്യാപനങ്ങള്‍ ഉണ്ടാകുമെന്നും സൂചനയുണ്ട്. പെട്രോള്‍ - ഡീസല്‍ വിലയും കുറച്ചേക്കും.


ഇന്നലത്തെ രക്ഷാബന്ധന്‍ ഉത്സവവുമായി ബന്ധപ്പെടുത്തിയാണ് പ്രധാനമന്ത്രി നരേന്ദ്രേമാദി വിലക്കുറവിനെ ഉയര്‍ത്തിക്കാട്ടിയത്. മോദി സര്‍ക്കാരിന്റെ ഓണം - രക്ഷാബന്ധന്‍ സമ്മാനമെന്ന് കേന്ദ്രമന്ത്രി അനുരാഗ് താക്കൂര്‍ പറഞ്ഞു. 2020-21 കൊവിഡ് കാലത്തിനിടെയാണ് ഉജ്ജ്വല പദ്ധതിയില്‍ ഉള്‍പ്പെടാത്ത ഉപഭോക്താക്കളുടെ സബ്‌സിഡി ആനുകൂല്യം കേന്ദ്രം എടുത്തു കളഞ്ഞത്.

ഇന്നലെ എണ്ണ വ്യാപാര കമ്പനികളുടെ ഓഹരി വിലയില്‍ ഇടിവുണ്ടായി. നിയമസഭാ തിരഞ്ഞെടുപ്പ് അടുത്തിരിക്കുന്ന രാജസ്ഥാനില്‍ ഗാര്‍ഹിക എല്‍.പി.ജിയുടെ വില സിലിണ്ടറിന് 500 രൂപയാക്കി കോണ്‍ഗ്രസ് സര്‍ക്കാര്‍ കുറച്ചിരുന്നു.