അര്ജുനെ ഉള്പ്പെടെയുള്ളവര്ക്കായി ഗംഗാവലി പുഴയില് നാവികസേനയുടെ പരിശോധന ഇന്ന് ... ലോറിയുടെ സ്ഥാനം കൃത്യമായി കണ്ടെത്താന് സോണാര് പരിശോധന നടത്തും
അര്ജുനെ ഉള്പ്പെടെയുള്ളവര്ക്കായി ഗംഗാവലി പുഴയില് നാവികസേനയുടെ പരിശോധന ഇന്ന് ... ലോറിയുടെ സ്ഥാനം കൃത്യമായി കണ്ടെത്താന് സോണാര് പരിശോധന നടത്തും.
നേരത്തെ മാര്ക്ക് ചെയ്ത രണ്ട് സ്ഥലങ്ങള് കേന്ദ്രീകരിച്ചാകും പരിശോധന നടത്തുക. രാവിലെ ഒന്പതോടെ കാര്വാറില് നിന്നുള്ള നാവികസേന അംഗങ്ങള് ഷിരൂരില് എത്തും. ഗംഗാവലി പുഴയുടെ ഒഴുക്കിന്റെ വേഗത അറിയാനുള്ള പരിശോധന നടത്തുകയും ചെയ്യും. ഇതിന് ശേഷമായിരിക്കും നാവിക സേനയുടെ മുങ്ങല് വിദഗ്ധര് പുഴയില് മുങ്ങിയുള്ള പരിശോധന നടത്തണോ എന്നുള്ള കാര്യത്തില് അന്തിമ തീരുമാനമെടുക്കുക.
കാര്വാറില് ജില്ല കലക്ടറും ജില്ല പൊലീസ് മേധാവിയും ഉള്പ്പെടെ പങ്കെടുത്ത ഉന്നതതല യോഗത്തിലാണ് പരിശോധന നടത്താന് തീരുമാനമായത്.
ഗംഗാവലിപ്പുഴയിലെ അടിയൊഴുക്ക് മൂന്ന് നോട്സില് താഴെ എത്തിയതിനാലാണ് ദൗത്യം പുനരാരംഭിക്കുന്നത്. നേരത്തെ നാല് പോയിന്റുകളിലാണ് ട്രക്കിന്റെ സ്ഥാനം സംബന്ധിച്ച് സാധ്യത കണ്ടെത്തിയത്. എന്നാല് പുഴയിലെ ശക്തമായ അടിയൊഴുക്കില് ട്രക്കിന്റെ സ്ഥാനം മാറാന് സാധ്യതയേറെയാണ്. ട്രക്കിന്റെ സ്ഥാനം കൃത്യമായി കണ്ടെത്താനാണ് നാവിക സേന വീണ്ടും പരിശോധനയ്ക്ക് ഇറങ്ങുന്നത്.
"
https://www.facebook.com/Malayalivartha
