ബസില് യാത്ര ചെയ്യവേ ഛര്ദ്ദിക്കാന് ജനലിലൂടെ പുറത്തേക്ക് തലയിട്ട സ്ത്രീക്ക് ലോറിയിടിച്ച് ദാരുണാന്ത്യം
കര്ണാടകയില് ബസില് യാത്ര ചെയ്യവേ ഛര്ദ്ദിക്കാന് ജനലിലൂടെ പുറത്തേക്ക് തലയിട്ട സ്ത്രീക്ക് ലോറിയിടിച്ച് ദാരുണാന്ത്യം. കര്ണാടക ആര് ടി സി ബസില് യാത്ര ചെയ്യുകയായിരുന്ന സ്ത്രീക്കാണ് ദാരുണാന്ത്യം സംഭവിച്ചത്. ഛര്ദ്ദിക്കാന് വേണ്ടി തല പുറത്തിട്ട സ്ത്രീയുടെ തലയില് എതിര് ദിശയില് വന്ന ലോറിയിടിച്ചു. സ്ത്രീയുടെ തലയും ഉടലും വേറെയായി. കര്ണാടകയിലെ ഗുണ്ടല്പേട്ടിന് സമീപമാണ് നാടിനെ നടുക്കിയ അപകടമുണ്ടായത്.
തിരക്കേറിയ റോഡിലാണ് അപകടം സംഭവിച്ചത്. മൈസൂരു അര്ബന് ഡിവിഷനിലെ ഡിവിഷണല് കണ്ട്രോളര്, ഡിഎംഇ, ഡിടിഒ, എസ്ഒ എന്നിവര് പരിശോധനയ്ക്കായി സ്ഥലം സന്ദര്ശിച്ചു. സംഭവത്തിന്റെ കൃത്യമായ സാഹചര്യം കണ്ടെത്തുന്നതിനായി അന്വേഷണം ആരംഭിച്ചതായി ചാമരാജനഗര് പൊലീസ് സ്ഥിരീകരിച്ചു. യാത്രയ്ക്കിടെ ബസ്സിന്റെ ജനാലയിലൂടെ പുറത്തേക്ക് ചാരിയിരുന്ന സ്ത്രീയെ അടുത്തുവന്ന ലോറി ഇടിച്ചതായി ദൃക്സാക്ഷികള് പറഞ്ഞു.
https://www.facebook.com/Malayalivartha
