ജയലളിത അമ്മയാണെന്നു കരുതി ശശികലയെ ചിന്നമ്മയെന്ന് വിളിക്കാന് ഞങ്ങള്ക്കാകില്ലെന്ന് എഐഎഡിഎംകെ പ്രവര്ത്തകര്
തമിഴ്നാട് മുന്മുഖ്യമന്ത്രി ജയലളിതയെ 'അമ്മ' എന്ന് സ്നേഹത്തോടെ വിളിച്ചിരുന്നുവെന്ന് കരുതി പിന്ഗാമിയാവാന് വന്ന ശശികലയെ 'ചിന്നമ്മ'യെന്ന് വിളിക്കാനാവില്ലെന്ന് എഐഎഡിഎംകെയിലെ ഒരു വിഭാഗം പ്രവര്ത്തകര് . ജയലളിതയുടെ തോഴി ശശികലയെ 'ചിന്നമ്മ' എന്ന് അഭിസംബോധന ചെയ്യുന്നതിനെതിരെ എഐഎഡിഎംകെ യോഗത്തില് വാക്ക് തര്ക്കം.
ജയലളിതയുടെ മരണത്തെ തുടര്ന്ന് പാര്ട്ടി ജനറല് സെക്രട്ടറിയായി തോഴി ശശികലയെ തെരഞ്ഞെടുക്കുന്നതില് പാര്ട്ടിയുടെ താഴെത്തട്ടിലുള്ള നേതാക്കളുടേയും അണികളുടേയും കടുത്ത എതിര്പ്പാണ് ഇതിലൂടെ പുറത്തു വന്നിരിക്കുന്നത്. തിരുവണ്ണാമലയിലെ ആരണിയില് നടന്ന ജയലളിത അനുസ്മരണ യോഗമാണ് പ്രവര്ത്തകരുടെ കൂട്ടത്തല്ലിന് വേദിയായത്.
യോഗത്തില് പങ്കെടുത്ത മന്ത്രി ആര്പി ഉദയകുമാര് യോഗത്തില് സംസാരിക്കുന്നതിനിടെ ശശികലയെ 'ചിന്നമ്മ' എന്ന് അഭിസംബോധന ചെയ്തോടെയാണ് പ്രശ്നങ്ങള്ക്ക് തുടക്കം. ഇതില് പ്രതിഷേധിച്ച് ഒരുകൂട്ടം പ്രവര്ത്തകര് രംഗത്തെത്തുകയിരുന്നു. പ്രതിഷേധക്കാര് ശശികലയുടെ ബാനറുകള് കത്തിച്ചു പ്രതിഷേധം രേഖപ്പെടുത്തി.
https://www.facebook.com/Malayalivartha
