വിമാനത്താവളത്തില് ബയോമെട്രിക് സംവിധാനം വരുന്നു
വിമാനത്താവളങ്ങില് ബയോമെട്രിക് സംവിധാനം ഏര്പ്പെടുത്താന് വ്യോമയാന മന്ത്രാലയം ഒരുങ്ങുന്നു. വിമാനത്തില് കയറുന്നതുള്പ്പടെയുള്ള കാര്യങ്ങള്ക്ക് ബയോമെട്രിക് സംവിധാനം ഉപയോഗിക്കാനാണ് സര്ക്കാര് തീരുമാനം. ആഭ്യന്തര വിമാന സര്വിസുകള്ക്കായിരിക്കും ആദ്യ ഘട്ടത്തില് ഈ സംവിധാനം ഏര്പ്പെടുത്തുക.
വിമാനത്തില് കയറുന്നതിന് ബയോമെട്രിക് സംവിധാനത്തിന്റെ ഉപയോഗം ഹൈദരാബാദ് എയര്പോര്ട്ടില് വിജയകരമായി നടപ്പാക്കിയിരിക്കുന്നു. ഇതിന് പിന്നാലെയാണ് ഈ സംവിധാനം വ്യാപിപ്പിക്കാനായി വ്യോമയാന മന്ത്രാലയം ഒരുങ്ങുന്നത്.
ആധാര് കാര്ഡിനായി നല്കിയിട്ടുള്ള ഫിംഗര്പ്രിന്റ് ഉള്പ്പെടെയുള്ള വിവരങ്ങള് ഡിജിറ്റില് രജിസ്റ്ററിയിലേക്ക് കൂട്ടിച്ചേര്ത്തിട്ടുണ്ട്. ഇനി വിമാനത്താവള കൗണ്ടറുകളില് നിന്ന് ടിക്കറ്റുകള് ബുക്ക് ചെയ്യുമ്പോള് യാത്രക്കാരുടെ ആധാര് നമ്പര് കൂടി രേഖപ്പെടുത്തും. ഇത് ഉപയോഗിച്ച് പുതിയ സംവിധാനം നടപ്പിലാക്കാനാണ് വ്യോമയാന മന്ത്രാലയം ഉദ്ദേശിക്കുന്നത്. നിലവില് ടിക്കറ്റും തിരച്ചറിയല് രേഖയും കാണിച്ച് വിമാനത്താവളത്തിനുള്ളിലേക്ക് കടക്കാവുന്നതാണ്.
എയര്പോര്ട്ട് അതോറിറ്റി ചെയര്മാന് ഗുരുപ്രസാദ് മോഹപാത്ര ഹൈദരാബാദ് എയര്പോര്ട്ടില് ഈ പദ്ധതി വിജയകരമായി നടപ്പാക്കിയതായി അറിയിച്ചു. അടുത്തഘട്ടത്തില് ഡല്ഹി, മുംബൈ, ബംഗളൂരു എന്നിവിടങ്ങളിലാവും വ്യോമയാന മന്ത്രാലയം ഈ പദ്ധതി നടപ്പിലാക്കുക.
https://www.facebook.com/Malayalivartha
