ഹാപ്പി ബര്‍ത്തഡേ അപ്പൂപ്പാ... ഇപ്പോള്‍ ജീവിച്ചിരിക്കുന്ന ഏറ്റവും പ്രായം കൂടിയ ആള്‍ക്ക്‌ ആശംസയുമായി ലോകം
ജപ്പാനിലെ ക്യോട്ടാങ്കോ ടൗണിലെ ജിറോമാന്‍ കിമുറോയുടെ ജന്മദിനം കഴിഞ്ഞ ദിവസം കടന്നു പോയി. എന്താണ്‌ ഇയാളുടെ ജന്മദിനത്തിന്‌ ഇത്ര പ്രാധാന്യം എന്നാകും. തീര്‍ച്ചയായും ഈ ജനമദിനത്തിന്‌ വളരെയധികം പ്രാധാന്യമുണ്ട്‌. ഇക്കഴിഞ്ഞ വെള്ളിയാഴ്‌ച കിമുറോ ആഘോഷിച്ചത്‌ അദ്ദേഹത്തിന്റെ നൂറ്റി പതിനാറാമത്‌ ജന്മദിനമായിരുന്നു. ഇപ്പോള്‍ ജീവിച്ചിരിക്കുന്നവരില്‍ ഏറ്റവും പ്രായമുള്ളയാള്‍ എന്ന ഗിന്നസ്‌ റെക്കോഡിന്‌ ഉടമയാണ്‌ കിമുറോ. എന്നാല്‍ അതിലും ഉപരിയായി ലോകത്ത്‌ എക്കാലത്തുമായി ഏറ്റവും കൂടുതല്‍ കാലം ജീവിച്ച വ്യക്തി കൂടിയാണ്‌ അദ്ദേഹം.
തന്റെ അറുപത്തിയഞ്ചാമത്‌ വയസുവരെ പോസ്‌റ്റ്‌മാനായി ജോലി നോക്കിയ അദ്ദേഹം പിന്നീട്‌ കൃഷിയിലേക്ക്‌ തിരിയുകയായിരുന്നു. തൊണ്ണൂറ്‌ വയസിലാണ്‌ എല്ലാ ജോലിത്തിരക്കില്‍ നിന്നും അദ്ദേഹം വിടവാങ്ങിയത്‌. ഇപ്പോള്‍ തന്റെ പേരക്കുട്ടികള്‍ക്കും അവരുടെ പേരക്കുട്ടികള്‍ക്കും ഒപ്പം താമസിച്ചു വരികയാണ്‌ ഈ മുതുമുത്തശ്ശന്‍. എന്നാല്‍ കിമുറോയ്‌ക്ക്‌ കൂട്ടായി അദ്ദേഹത്തിന്റെ തലമുറയില്‍പെട്ട ഒരാള്‍കൂടി ആ നാട്ടിലുണ്ട്‌. ലോകത്തിലെ ഏറ്റവും പ്രായമായവരില്‍ രണ്ടാമനായ മിസാവോ ഒക്കാവോ. കിമുറോയുടെ നാട്ടില്‍ നിന്ന് കുറച്ചു മണിക്കുര്‍ സഞ്ചരിക്കുമ്പോള്‍ നൂറ്റിപതിനഞ്ചു വയസുള്ള ഒക്കാവോയെ നമുക്ക്‌ കാണാം.
ലോകത്ത്‌ ഏറ്റവും കൂടുതല്‍ കാലം ജീവിച്ചിരിക്കുന്നവര്‍ ജപ്പാന്‍കാരാണ്‌. ഏകദേശം 50000 പേര്‍ നൂറുവയസിനു മുകളിലുള്ളവരായി ജപ്പാനിലുണ്ടെന്നാണ്‌ കണക്കുകള്‍ കാണിക്കുന്നത്‌. അവരുടെ ഭക്ഷണ ക്രമമാണ്‌ ഇതിനുകാരണം. പച്ചക്കറികളും, മത്സ്യവും, പഴങ്ങളും ധാരാളം ഉള്‍ക്കൊള്ളുന്നതാണ്‌ ജപ്പാന്‍കാരുടെ ആഹാരം. അതുകൊണ്ടുതന്നെ വളരെ മെലിഞ്ഞ ശരീര പ്രകൃതി ഉള്ളവരുമാണ്‌ ജപ്പാന്‍കാര്‍.
എന്താണെങ്കിലും നമ്മുടെയെല്ലാം മുതുമുത്തച്ഛന്‌ ആയിരമായിരം ജന്മദിനാശംസകള്‍ ഈയവസരത്തില്‍ നമുക്ക്‌ നേരാം.
https://www.facebook.com/Malayalivartha
