ഇതിനൊക്കെ നേരവും കാലവും ഉണ്ടോ..? അതെ എന്നാണ് പഠനഫലങ്ങള്‍. പങ്കാളികള്‍ തമ്മില്‍ ഇണ ചേരുന്നതിന് അന്യോജ്യമായ സമയം ഞായറാഴ്ചകളില്‍ രാവിലെ 9 മണി മുതലുള്ള നേരങ്ങളിലാണെന്ന് സര്‍വ്വേ പഠനം. സംഭവം ഇവിടെയല്ല, അങ്ങ് ബ്രിട്ടനിലെ യുവതീയുവാക്കളില്‍ നടത്തിയ സര്‍വ്വേയിലാണ് ഇങ്ങനെയൊരു ശുഭമുഹൂര്‍ത്തത്തിന്റെ കാര്യം അവര്‍ തുറന്നു പറയുന്നത്.

എന്നാല്‍ ചൊവ്വാഴ്ച്ചകളില്‍ രാത്രി 9 മണി മുതലുള്ള സമയങ്ങളില്‍ തങ്ങളെ ഇതിനൊന്നും കിട്ടില്ല എന്ന നിലപാടിലാണ് അവര്‍. പ്രായപൂര്‍ത്തിയായ 2000 പേരില്‍ ഇത്തരമൊരു പഠനം നടത്തിയ ശേഷമാണ് ഇങ്ങനെയൊരു നിഗമനത്തിലെത്തിയത്. ശനിയാഴ്ച ദിവസങ്ങളും ഇതിന് പറ്റിയ ദിനങ്ങളാണെന്ന് പഠനം പറയുന്നു.

വേനലവധിക്കാലത്താണ് ഏറ്റവും കൂടുതല്‍ പേര്‍ക്ക് ലൈംഗീക ബന്ധത്തിലേര്‍പ്പെടാന്‍ തെരഞ്ഞെടുക്കുന്ന സമയം.