റോഡരികില് നിര്ത്തിയിട്ടിരുന്ന കാറില് ഒരു സ്ത്രീയുടെ മൃതദേഹം കണ്ടെത്തി
റോഡരികില് നിര്ത്തിയിട്ടിരുന്ന കാറില് ഒരു സ്ത്രീയുടെ മൃതദേഹം കണ്ടെത്തി. തമിഴ്നാട്ടിലെ ദിണ്ടിഗല് ജില്ലയില് ഹൈവേയില് പട്രോളിംഗ് നടത്തുകയായിരുന്ന പോലീസാണ് കാറില് മൃതദേഹം കണ്ടെത്തിയത്. യുവതിയുടെ മൃതദേഹം സംസ്കരിക്കാന് കുഴിയെടുക്കുന്നതിനിടെ പട്രോളിംഗ് സംഘം രണ്ട് പ്രതികളെയും കൈയോടെ പിടികൂടിയതായി പോലീസ് വൃത്തങ്ങള് അറിയിച്ചു.പട്രോളിംഗ് സംഘം അമ്മായിനായ്ക്കനൂര് പോലീസില് വിവരമറിയിക്കുകയും അറസ്റ്റ് ചെയ്യുകയും മൃതദേഹം പുറത്തെടുത്ത് പോസ്റ്റുമോര്ട്ടത്തിനായി അയക്കുകയും ചെയ്തു. കൂടുതല് അന്വേഷണങ്ങള് നടന്നുവരികയാണ്.
ദിവാകര്, ഇന്ദ്രകുമാര് എന്നീ പ്രതികളെയാണ് പോലീസ് പിടികൂടിയത്. തിരുപ്പൂരിലെ ഒരു സ്വകാര്യ മില്ലില് ജോലി ചെയ്തിരുന്ന പ്രിന്സി എന്ന 27 കാരിയായ യുവതിക്ക് ദിവാകറുമായി പരിചയമുണ്ടായിരുന്നു. പ്രിന്സിയുമായി ദിവാകറിന് ബന്ധമുണ്ടായിരുന്നെങ്കിലും അത് വേര്പെടുത്താന് ആഗ്രഹിച്ചിരുന്നുവെന്നാണ് പ്രാഥമിക അന്വേഷണത്തില് പറയുന്നത്. ആഭരണങ്ങളും പണവും ഉള്പ്പെടെ താന് നല്കിയ സമ്മാനങ്ങള് തിരികെ നല്കണമെന്ന് ഇയാള് ആവശ്യപ്പെട്ടു.
ദിവാകര് പ്രിന്സിയെ പല്ലടത്ത് എത്തിച്ച് നൈലോണ് കയര് കൊണ്ട് കഴുത്ത് ഞെരിച്ച് കൊല്ലുകയായിരുന്നു. തുടര്ന്ന് ഇന്ദ്രകുമാര് മൃതദേഹം കാറില് കയറ്റിയപ്പോള് ദിവാകര് രാമനാഥപുരത്ത് നിന്ന് ഇരുചക്രവാഹനത്തില് കാറിനെ പിന്തുടരുകയായിരുന്നു. പ്രിന്സിയുടെ മൃതദേഹം മധുരയ്ക്ക് സമീപം സംസ്കരിക്കാന് ഇരുവരും പദ്ധതിയിട്ടിരുന്നതായി പോലീസ് വൃത്തങ്ങള് അറിയിച്ചു.
https://www.facebook.com/Malayalivartha
