പപ്പാ എവിടെയാ....എനിക്ക് പപ്പായെ കാണണം...
സിംഗപ്പൂരിലേക്കുള്ള യാത്രക്കിടെ കാണാതായ എയര് ഏഷ്യ വിമാനത്തിന്റെ പൈലറ്റ് ഇറിയാന്റോയുടെ മകള് ആഞ്ജലയുടേതാണ് ഈ വാക്കുകള്.
അച്ഛന്റെ ഫോട്ടോയ്ക്കൊപ്പം തിരിച്ചുവരാന് അഭ്യര്ത്ഥിച്ചു കൊണ്ടുള്ള സന്ദേശം മകളാണ് സോഷ്യല് മീഡിയയില് പോസ്റ്റ് ചെയ്തത്.
\'പപ്പാ വേഗം തിരിച്ചു വരൂ. എനിക്ക് പപ്പയുടെ സ്നേഹവും സാമീപ്യവും വേണം. അതിനാല് എന്റെയടുക്കലേക്ക് മടങ്ങിവരൂ\' എന്നാണ് പോസ്റ്റ്. സോഷ്യല് മീഡിയയില് പോസ്റ്റ് ചെയ്ത ഈ സന്ദേശം വൈറലാവുന്നു.
ആഞ്ജല അടക്കം സ്കൂള് വിദ്യാര്ത്ഥിനികളായ ഇറിയാന്റോയ്ക്ക് രണ്ട് മക്കളാണുള്ളത്. ഭാര്യയ്ക്ക് ജോലിയില്ല.
എയര് ഏഷ്യ നല്കുന്ന വിവരം അനുസരിച്ച് ഇറിയാന്റോയ്ക്ക് 6100 മണിക്കൂര് വിമാനം പറത്തിയുള്ള പരിചയമുണ്ട്. സഹപൈലറ്റ് റെമി ഇമ്മാനുവേല് പ്ളെസലിന് 2275 മണിക്കൂര് വിമാനം പറത്തിയുള്ള പരിചയവും.
ഫ്ളൈറ്റ് അറ്റന്ഡര്മാരായ വാന്റി സെതിവാതി, ഓസ്കാര് ദെശാനോ, ഖൈറുനിസ ഹൈദര് ഫൗസി, വിസ്മോയോ അറി പ്രംബുഡി എന്നിവരും വിമാന എഞ്ചിനിയറായ സൈഫുല് റാഖ്മദ് എന്നിവരുമാണ് 155 യാത്രക്കാരെ കൂടാതെ വിമാനത്തില് ഉണ്ടായിരുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha