പല്ലു തേക്കാന്‍വേണ്ടി മാത്രമല്ലേ നിങ്ങള്‍ ഇതുവരെ ടൂത്ത്‌പേസ്റ്റ് വാങ്ങിയിരുന്നത്. ടൂത്ത്‌പേസ്റ്റിന്റെ നിങ്ങളറിയാത്ത ചില ഉപയോഗങ്ങളിതാ...

പ്ലാസ്റ്റിക് കുപ്പികളും, തെര്‍മല്‍ ബോട്ടിലുകളും പല തവണയുപയോഗിച്ചുകഴിയുമ്പോള്‍ അതിലുണ്ടാകുന്ന ദുര്‍ഗന്ധം അകറ്റുന്നതിന് ടൂത്ത്‌പേസ്റ്റ് ഉപയോഗിച്ചു കഴുകിയാല്‍ മതി.
ഡയമണ്ട്, സ്വര്‍ണാഭരണങ്ങള്‍ തുടങ്ങിയവ ടൂത്ത്‌പേസ്റ്റ് ഉപയോഗിച്ചു കഴുകിയാല്‍ കൂടുതല്‍ തെളിമയോടെ വെട്ടിത്തിളങ്ങും.

വസ്ത്രത്തിലും മറ്റും ലിപ്സ്റ്റിക്, ജ്യൂസ്, സോസ് എന്നിവയുടെ കറപറ്റിയാല്‍ കറയുള്ള ഭാഗത്ത് ടൂത്ത് പേസ്റ്റ് പുരട്ടിയ ശേഷം നന്നായി തിരുമ്മിയാല്‍ മതിയാകും. വൈറ്റ്‌നിംഗ് നല്‍കുന്ന ടൂത്ത്‌പേസ്റ്റുകള്‍ കളര്‍ വസ്ത്രങ്ങളിലുപയോഗിക്കാതിരിക്കുവാന്‍ പ്രത്യേകം ശ്രദ്ധിക്കണം.
കാലപ്പഴക്കം, സ്‌ക്രാച്ച് എന്നിവ മൂലം മങ്ങിയ ഹെഡ്‌ലാംപുകള്‍ ടൂത്ത്‌പേസ്റ്റുപയോഗിച്ചു കഴുകിയാല്‍ തെളിമയാര്‍ന്ന പ്രകാശം പ്രദാനം ചെയ്യുന്നതു കാണാം.

വെളുത്ത ഷൂവിലുള്ള കറുത്ത പാടുകളും പുള്ളികളും ടൂത്ത്‌പേസ്റ്റ് ഉപയോഗിച്ചു നിഷ്പ്രയാസം മാറ്റാനാവും.
ഭിത്തിയില്‍ ആണി തറച്ചുണ്ടായ ചെറിയ ദ്വാരങ്ങള്‍ നികത്തുന്നതിന് ടൂത്ത് പേസ്റ്റ് ഉപകാരപ്രദമാണ്.
തണുത്ത തുണിയിലോ സ്‌പോഞ്ചിലോ അല്‍പം ടൂത്ത്‌പേസ്റ്റ് പുരട്ടി കുളിമുറിയിലെയും മറ്റും കണ്ണാടി വൃത്തിയാക്കിയാല്‍ അവ പുതിയതു പോലെ തിളങ്ങുന്നതു കാണാം.

ഡിവിഡിയിലുണ്ടാകുന്ന ചെറിയ സ്‌ക്രാച്ചുകള്‍ കളയുന്നതിനും ടൂത്ത്‌പേസ്റ്റ് സഹായിക്കും. ചെറിയ സ്‌ക്രാച്ചുകള്‍ക്കു മാത്രമാകും ടൂത്ത്‌പേസ്റ്റ് ഉപകാരപ്രദമാവുക. വളരെ ചെറിയ അളവ് ടൂത്ത് പേസ്റ്റ് കോട്ടണ്‍ തുണിയിലോ, മൈക്രോ ഫൈബര്‍ തുണിയിലോ എടുത്ത് ഡിവിഡി വൃത്തിയാക്കിയാല്‍ ചെറിയ പാടുകള്‍, സ്‌ക്രാച്ചുകള്‍ തുടങ്ങിയവ ഇല്ലാതെയാകും. ടൂത്ത്‌പേസ്റ്റിന്റെ അളവു കൂടുതലായാല്‍ വിപരീത ഫലം ലഭിക്കുമെന്നോര്‍ക്കുക.

മത്സ്യം, മാംസം, ഉള്ളി, സവോള മുതലായവ കൈകാര്യം ചെയ്യുന്നവരുടെ കൈയിലെ ദുര്‍ഗന്ധം മാറ്റുന്നതിന് ടൂത്ത്‌പേസ്റ്റ്‌കൊണ്ട് കൈ കഴുകിയാല്‍ മതി.
സ്റ്റീല്‍, അലുമിനിയം എന്നിവ ഉപയോഗിച്ചുള്ള പാത്രങ്ങള്‍, പൂച്ചട്ടികള്‍ എന്നിവ വെട്ടിത്തിളങ്ങുന്നതാക്കാന്‍ ടൂത്ത്‌പേസ്റ്റ് നല്ലതാണ്.
വാഷ്‌സിങ്കുകളിലെ ദുര്‍ഗന്ധമകറ്റാനും തിളക്കമേകാനും ടൂത്ത്‌പേസ്റ്റിനാവും.
ക്രോം മെറ്റീരിയലിലുള്ള ടാപ്പുകളും കാര്‍ വീലുകളും ടൂത്ത് പേസ്റ്റ് ഉപയോഗിച്ചു കഴുകിയാല്‍ വെണ്‍മയോടെ വെട്ടിത്തിളങ്ങും.

മൊബൈല്‍ സ്‌ക്രീന്‍ ഗാര്‍ഡുകള്‍ എന്നിവ ടൂത്ത്‌പേസ്റ്റ് ഉപയോഗിച്ചു ഫിക്‌സ് ചെയ്യാം. സെല്‍ഫോണ്‍, സ്മാര്‍ട്ട്‌ഫോണ്‍, ഗെയിം ഗാഡ്‌ജെറ്റുകള്‍ എന്നിവയുടെയെല്ലാം സ്‌ക്രീന്‍ ടൂത്ത്‌പേസ്റ്റുപയോഗിച്ചു ആദ്യം ക്ലീന്‍ ചെയ്തതിനു ശേഷം മറ്റൊരു തുണികൊണ്ട് സ്‌ക്രീന്‍ തുടച്ചാല്‍ അവ പുതിയതു പോലെ തിളങ്ങുന്നതു കാണാം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക https://www.facebook.com/Malayalivartha .