സ്‌കീയിംഗിനിടെ വീണ് തലയ്ക്ക് ഗുരുതര പരുക്കേറ്റ ഫോര്‍മുല വണ്‍ മുന്‍ ചാമ്പ്യന്‍ മൈക്കല്‍ ഷൂമാക്കര്‍ കുടുംബാംഗങ്ങളെ തിരിച്ചറിയാന്‍ തുടങ്ങിയതായി റിപ്പോര്‍ട്ട്. മക്കളുടേയോ ഭാര്യ കോറിന്നയുടേയോ ശബ്ദം കേള്‍ക്കുബോള്‍ ഷൂമാക്കര്‍ കരയാറുണ്ടെന്ന് ഇറ്റാലിയന്‍ പത്രമായ കോറിയറെ ഡെല്ല സെറാ റിപ്പോര്‍ട്ട് ചെയ്തു. ഷൂമാക്കറിന് ശനിയാഴ്ച നാല്‍പ്പത്തിയാറ് വയസ് തികഞ്ഞിരുന്നു.
2013 ഡിസംബറില്‍ ഫ്രാന്‍സിലെ മെറിബെല്‍ റിസോര്‍ട്ടില്‍ മഞ്ഞില്‍ തെന്നി നീങ്ങുന്ന വിനോദത്തില്‍ ഏര്‍പ്പെട്ടിരിക്കെ പാറക്കൂട്ടത്തില്‍ തലയടിച്ചാണ് ഷൂമാക്കര്‍ അബോധാവസ്ഥയിലായത്. ഷൂമാക്കര്‍ ജീവിതത്തിലേക്ക് തിരിച്ചു വരുന്നതിന് ദീര്‍ഘനാള്‍ എടുക്കും. സ്വന്തം നിലയില്‍ ശരീരം ചലിപ്പിക്കാനും ഷൂമാക്കറിന് കഴിയില്ല. എന്നും കാണുന്നവരെ നേരിയ തോതില്‍ തിരിച്ചറിയാന്‍ കഴിയുന്നുണ്ടെങ്കിലും അവരോട് ആശയവിനിമയം നടത്താനൊന്നും ഷൂമാക്കറിന് കഴിയില്ലന്ന് കുടുംബവുമായി അടുത്ത ബന്ധമുള്ളവരെ ഉദ്ധരിച്ചു കൊണ്ട് പത്രം റിപ്പോര്‍ട്ട് ചെയ്തു
അതേസമയം ഷൂമാക്കറിന് എഴുന്നേറ്റിരിക്കാന്‍ കഴിയുമെന്ന് ഓട്ടോസ്പ്രിന്റ് എന്ന മാഗസിന്‍ റിപ്പോര്‍ട്ട് ചെയ്തു. ഷൂമാക്കറിനെ നേരില്‍ കണ്ടവരാണ് തങ്ങള്‍ക്ക് ഈ വിവരം നല്‍കിയതെന്നും മാഗസിന്‍ അവകാശപ്പെടുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha