കരിങ്കല്ലിനെ മുറിച്ചെടുക്കാവുന്ന യന്ത്രം ഒരുങ്ങി
സ്ഫോടനമോ ശബ്ദമലിനീകരണമോ വായുമലിനീകരണമോ ഇല്ലാതെ ഇനി കരിങ്കല്ക്വാറികളില് നിന്നു കരിങ്കല്ലുകള് കിട്ടും. ആറു വശവും മിനുസമുള്ള, വെട്ടുകല്ലിന്റെ മാതൃകയിലുള്ള കരിങ്കല്പാളികളുണ്ടാക്കാവുന്ന യന്ത്രം വികസിപ്പിച്ചിരിക്കുകയാണു കല്പറ്റ വേങ്ങച്ചുവട്ടില് ഷാജു ജോണ്. ഈ യന്ത്രം ഉപയോഗിച്ചു ക്വാറികളില് നിന്നു കരിങ്കല്ലുകള് നേരിട്ടു മുറിച്ചെടുക്കാനാവും.
ക്വാറികളില് സ്ഫോടനം നടത്താതെ ഡീസല് ജനറേറ്റര് ഉപയോഗിച്ചു വെട്ടിയെടുക്കുന്ന ഈ കല്ലുകള് ഉപയോഗിച്ചു സിമന്റോ തേപ്പോ ഇല്ലാതെ കെട്ടിടങ്ങള് നിര്മിക്കാം.
ശ്രമങ്ങള് മൂന്നു തവണ പരാജയപ്പെട്ടെങ്കിലും നിരാശനാകാതെ നടത്തിയ അഞ്ചു വര്ഷത്തെ പ്രയത്നത്തിന്റെ ഫലമാണ് ഈ യന്ത്രം. യന്ത്രത്തിനു പേറ്റന്റിന് അപേക്ഷിച്ചിട്ടുണ്ടെന്ന് ഷാജു ജോണ് പറയുന്നു
കല്പറ്റ റാട്ടക്കൊല്ലിയില് ആനപാറയില് മരയ്ക്കാര് ഹാജിയുടെ ക്വാറിയില് ഇപ്പോള് ഈ യന്ത്രം ഉപയോഗിച്ചാണ് കരിങ്കല്ലു മുറിക്കുന്നത്. ഇന്നത്തെ സാഹചര്യത്തില് 100 വെട്ടുകല്ലു കൊണ്ടു ഭിത്തി നിര്മാണം പൂര്ത്തിയാക്കുന്നതിലും ആദായകരമായിരിക്കും ഇത്തരം കരിങ്കല്ലുപയോഗിച്ചു നിര്മാണം നടത്തുമ്പോഴെന്നു ഷാജു അവകാശപ്പെടുന്നു.ഷാജുവിന്റെ ഫോണ്: 9744029950.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha