പത്തനംതിട്ടയ്ക്കു പുറമേ ബ്ലാക്ക്മാന്‍ ഭീതിയില്‍ ആലപ്പുഴ. നാട്ടുകാര്‍ ബ്ലാക്ക്മാനെ പേടിച്ച് വീടിനുപുറത്തിറങ്ങാത്ത അവസ്ഥ.
ആലപ്പുഴയില്‍ പൊലീസും നാട്ടുകാരും ബ്ലാക്ക് മാനെ കണ്ടെത്താനുള്ള നെട്ടോട്ടത്തിലാണ്. ഇതിനിടെയില്‍ ബ്ലാക്ക്മാന്‍ കഥകള്‍ സോഷ്യല്‍ മീഡയയിലും വൈറലാകുന്നു.
ആലപ്പുഴ ജില്ലയിലെ പല ഗ്രാമങ്ങളും ബഌക്മാന്‍ എന്ന അജ്ഞാതന്റെ ആക്രമണം പേടിച്ച് കഴിയാന്‍ തുടങ്ങിയിട്ട് ഒരു മാസത്തിലേറെയായി. കാട്ടുതീ പോലെ പ്രചരിച്ച ബഌക്മാന്‍ കഥകള്‍ സോഷ്യല്‍ മീഡിയയിലും ഹിറ്റാണ്. പത്തനംതിട്ട ജില്ലയുടെ വിവിധ ഭാഗങ്ങളില്‍ ഭീതി പരത്തിയ കറുത്ത നിറമുള്ള മുഖം കറുത്ത തുണികൊണ്ടു മൂടിയ നില്‍ക്കുന്നിടത്തു നിന്നും നല്ല ഉയരത്തില്‍ ചാടാന്‍ കഴിയുന്ന ബ്ലാക്ക്മാന്‍ തന്നെയാണ് ആലപ്പുഴയിലും കഥകളില്‍ നിറയുന്നത്.
അമാനുഷികമായ കഴിവ് പ്രകടിപ്പിക്കുന്ന കറുത്ത മനുഷ്യനെ രാത്രിയില്‍ പലരും കണ്ടു. സ്ത്രീകളും കുട്ടികളും മാത്രം താമസിക്കുന്ന വീടുകള്‍ക്ക് മുന്നിലാണ് ഇയാള്‍ പ്രത്യക്ഷപ്പെടുന്നത്. മതിലു ചാടിക്കടന്ന് എത്തുന്ന രൂപം ചിലപ്പോള്‍ ജനാലയിലൂടെ വീടിനുള്ളിലേക്ക് ഒളിഞ്ഞുനോക്കും. വീട്ടുകാര്‍ ബഹളം വച്ചാല്‍ ഉടന്‍ ഇരുളില്‍ മറയും.

സൂക്ഷിച്ചുനോക്കിയാല്‍ ഉയര്‍ന്ന മതിലുകള്‍ ചാടി ഓടുന്ന രൂപത്തെ കാണാം. പത്തനംതിട്ടിയില്‍ ബ്ലാക്ക് മാനെതിരെ പൊലീസ് സജീവമായി. മോഷണമാണ് ബ്ലാക്ക് മാന്റെ മനസ്സിലുള്ളതെന്നും തെളിഞ്ഞു. ബ്ലാക്ക് മാനെ കിട്ടിയില്ലെങ്കിലും രാത്രികാല പെട്രോളിങ്ങില്‍ വേണ്ടുവോളം കള്ളന്‍ാമരെ കുടുക്കി. ഇതോടെ ബ്ലാക്ക് മാന്‍ ആലപ്പുഴയിലെത്തി.
ഓഫീസുകളും സ്‌കൂളുകളിലും എല്ലായിടത്തും ബ്ലാക്ക് മാനാണ് ചര്‍ച്ച. പൊലീസും നാട്ടുകാരും ഉറക്കമൊഴിഞ്ഞ് കാവല്‍ നിന്നിട്ടും ബ്ലാക്മാനെ പിടികൂടാനാകുന്നില്ല. പൊലീസും ആളുകളും ഉള്ളിടത്ത് ബ്ലാക്ക് മാന്‍ വരില്ല. അതിനിടെ അജ്ഞാതനായ ആക്രമണകാരിയെക്കുറിച്ചുള്ള ഭീതി ഗ്രാമങ്ങളെ \'മാസ് ഹിസ്റ്റീരിയ \'എന്ന അവസ്ഥയിലേക്ക് തള്ളിവിടുകയാണെന്ന നിരീക്ഷണവും ഉണ്ട്. ബഌക്മാന്‍ കഥകള്‍ സജീവമായതോടെ ക്രിമിനലുകള്‍ക്കും സാമൂഹ്യവിരുദ്ധര്‍ക്കും എന്തും ചെയ്യാനുള്ള അവസരം ലഭിച്ചു എന്നതാണ് വാസ്തവം.
ഒറ്റപ്പെട്ട സ്ഥലങ്ങളിലൂടെ സഞ്ചരിക്കാന്‍ ആളുകള്‍ക്ക് ഭയമായി. ഇതോടെ കഞ്ചാവ് കച്ചവടക്കാര്‍ക്കും വ്യാജവാറ്റുകാര്‍ക്കും കൊളുമായി. ബഌക്മാനെ പേടിച്ച് ആളുകള്‍ പുറത്തിറങ്ങാതായതോടെ മോഷ്ടാക്കളും ആലപ്പുഴയില്‍ സജീവം. ചില സ്ഥലങ്ങളില്‍ ബ്ലാക്മാന്‍ വേട്ട വ്യക്തിവൈരാഗ്യവും രാഷ്ട്രീയ വൈരാഗ്യവും തീര്‍ക്കാനുള്ള അവസരമായി. ജനക്കൂട്ടം ബ്ലാക്ക് മാനെന്ന് പറഞ്ഞ് നിരപരാധികളെ വളഞ്ഞിട്ട് തല്ലി.

എന്നാല്‍ ഊഹാപോഹങ്ങളുടെ പേരില്‍ പ്രചരിക്കപ്പെട്ട കഥാപാത്രമാണ് ബഌക്മാന്‍ എന്നാണ് മനോരോഗവിദഗ്ധരുടെ അഭിപ്രായം. മറ്റുള്ളവരുടെ ഭയം കണ്ട് ആസ്വദിക്കുന്ന മനോവൈകല്യമുള്ളവരാകാം ഇതിന് പിന്നില്‍. ഈ കഥകള്‍ കേട്ട് പേടിച്ചിരിക്കുന്നവരും കഥ പ്രചരിപ്പിക്കുന്നതില്‍ പങ്കാളികളാവുന്നു. സ്വന്തം ഭയം ലഘൂകരിക്കാനാണ് പലരും ബ്ലാക്മാനെക്കുറിച്ച് മറ്റൊരാളിനോട് പറയുന്നത്. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha