മകനും പ്രശസ്ത സംഗീത സംവിധായകനുമായ യുവന്‍ ശങ്കരരാജയെ സ്വന്തം വീട്ടിലേക്ക് കൊണ്ടുവരാന്‍ ഇളയരാജയുടെ ശ്രമം. ഘര്‍ വാപസി സംഘാടകരും ഇളയരാജയോടൊപ്പമുണ്ട്. യുവന്‍ ശങ്കര്‍ ഇസ്ലാം മതം സ്വീകരിച്ചത് വിവാദമായിരുന്നില്ല. തുടര്‍ന്ന് അബ്ദുള്‍ ഖാലീദ് എന്ന പേര് സ്വീകരിച്ചു. എന്നാല്‍ യുവന്‍ മൂന്നാമത്തെ വിവാഹം കഴിച്ചപ്പോഴാണ് സംഗതി ലോകം ചര്‍ച്ച ചെയ്തത്.
പുതുവത്സരദിനത്തില്‍ തമിഴ്‌നാട്ടിലെ രാമനാഥപുരത്തു വച്ചാണ് യുവന്‍ മൂന്നാമതും വിവാഹിതനായത്. മലേഷ്യയില്‍ ഫാഷന്‍ ഡിസൈനറായ സഫ്രുനിസയായിരുന്നു വധു. വിവാഹത്തില്‍ പിതാവ് ഇളയരാജ പങ്കെടുത്തിരുന്നില്ല. മുസ്ലിം മതാചാര പ്രകാരം നടന്ന വിവാഹത്തില്‍ യുവന്റെ സഹോദരി ഭവതാരിണിയും ഭര്‍ത്താവ് ശബരിയും പങ്കെടുത്തു.
യുവന്റെ ആദ്യ രണ്ടു വിവാഹങ്ങളും വിവാഹ മോചനത്തില്‍ കലാശിക്കുകയായിരുന്നു. 2005 ല്‍ സുജയ ചന്ദ്രനെയാണ് യുവന്‍ ആദ്യം വിവാഹം ചെയ്തത് . ഈ ബന്ധം 2008 ല്‍ അവസാനിപ്പിച്ച യുവന്‍ പിന്നീട് തിരുപ്പതിയില്‍ വച്ച് ശില്‍പ മോഹനെ വിവാഹം ചെയ്തു. കഴിഞ്ഞ വര്‍ഷമാണ് ഇവര്‍ വിവാഹമോചിതരായത്.
മുസ്ലിം യുവതിയായ സഫ്രുനിസയുമായുള്ള വിവാഹത്തിനാണ് യുവന്‍ ഇസ്ലാം മതം സ്വീകരിച്ചതെന്ന വാര്‍ത്ത പ്രചരിച്ചതോടെ വിവാദം കൊഴുത്തു. തുടര്‍ന്ന് അബ്ദുള്‍ ഹാലിഖിനെ ഘര്‍ വാപസി നടത്തി വീണ്ടും യുവന്‍ ശങ്കര്‍ രാജയാക്കാനുള്ള ശ്രമത്തിലാണ് ഇളയരാജയും കൂട്ടരും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha