യുവതി കള്ളന് പണി കൊടുത്തു : ബാഗ് പിടിച്ചു പറിച്ച കള്ളന്റെ സ്കൂട്ടറുമായി യുവതി സ്ഥലം വിട്ടു
കടുവയെ പിടിച്ച കിടുവ എന്നു കേട്ടിട്ടില്ലാത്തവര് ഉണ്ടാവില്ല. എന്നാലും ആ ചൊല്ലിന്റെ അര്ത്ഥം പൂര്ണ്ണമായി മനസ്സിലാകണമെങ്കില് അത്തരത്തിലുള്ള എന്തെങ്കിലും അനുഭവം ഉണ്ടായിട്ടുണ്ടെങ്കിലേ സാധിക്കൂ.
എന്നാല് മലേഷ്യയിലെ ഒരു കളളനോട് ഇതു പറഞ്ഞാല് ഈ ചൊല്ലിന്റെ അര്ത്ഥം പുള്ളിക്കാരന് നന്നായി മനസ്സിലാകും. പിടിച്ചു പറിക്കാന് ലക്ഷ്യമിട്ട് സ്വന്തം സ്കൂട്ടറുമെടുത്ത് ചുറ്റിക്കറങ്ങുകയായിരുന്നു അവന്. അപ്പോഴതാ ഒരു യുവതി തനിയെ ഒരു ഇടവഴിയിലേക്ക് കയറിപ്പോകുന്നു, അവളുടെ കൈയ്യില് ഒരു ബാഗുമുണ്ട്. ചുറ്റുവട്ടത്തെങ്ങും ആരുമില്ലെന്ന് ഉറപ്പു വരുത്തിയിട്ട് അവന് അവളുടെയടുത്തേക്ക് സ്കൂട്ടറോടിച്ചു ചെന്നു.
വണ്ടി നിറുത്തിയിട്ട് അവളുടെ ബാഗില് പിടുത്തമിട്ടു. നിനച്ചിരിക്കാത്ത നേരത്തുള്ള ആ ആക്രമണത്തില് ഞെട്ടിപ്പോയ അവള് ആ ബാഗ് തിരിച്ചു വലിക്കാന് ഒന്നു ശ്രമിച്ചു നോക്കിയെങ്കിലും സാധിച്ചില്ല. അവള് നിലവിളിച്ച് ആളെ കൂട്ടുന്നതിനുമുമ്പ് അവന് ബാഗുമായി ഓടി മറഞ്ഞു. എന്നാല് ഇക്കാലത്ത് സ്കൂട്ടര് ഓടിക്കാന് അറിയുന്ന സ്ത്രീകള് ഉണ്ടെന്ന കാര്യം അവനോര്മ്മിച്ചില്ല. തന്റെ ബാഗ് നഷ്ടപ്പട്ടെങ്കിലെന്താ, ഒരു അടിപൊളി സ്കൂട്ടറല്ലേ മുമ്പിലിരിക്കുന്നത്. ആ മിടുക്കി അവന്റെ സ്കൂട്ടറുമെടുത്ത് സ്ഥലം വിട്ടു. ഓടി ഒളിച്ചിരുന്ന സ്ഥലത്തു നിന്നുമിറങ്ങി സ്കൂട്ടറിന് പിന്നാലെയൊന്ന് പാഞ്ഞു നോക്കിയെങ്കിലും, ബാഗ് നീ എടുത്തോളൂ. എനിക്കിതുമതിയെന്ന മട്ടില് അവള് സ്കൂട്ടറോടിച്ചു പോയി. മലേഷ്യയില് നിന്നും ഫെയ്സ്ബുക്കിലേക്ക് അപ്ലോഡ് ചെയ്ത ഈ സിസിടിവി ദൃശ്യങ്ങള് ഇപ്പോള് വൈറലാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha