മലയാളികളുടെ തനിക്കൊണം പുറത്ത്; ഉറക്കമൊഴിഞ്ഞ് മലയാളികൾ താരകല്യാണിന്റെ വിവാദ ചിത്രമേതെന്ന് അറിയാൻ ഗൂഗിള് ഉൾപ്പടെയുള്ള സെര്ച്ച് എഞ്ചിനുകളിലും ഫേസ്ബുക്കിലും തെരഞ്ഞ് നിമിഷ നേരത്തിനുള്ളില് ഗൂഗിളിന്റെ ട്രന്റിങ് ലിസ്റ്റില് താരം: സെർച്ച് ചെയ്ത കീ വേർഡിൽ കൂടുതൽ താര കല്യാണ് വൈറല്, താര കല്യാണ് വൈറല് വീഡിയോ, താര കല്യാണ് വീഡിയോ, താരാ കല്യാണ് ലേറ്റസ്റ്റ്: ഏറ്റവും കൂടുതല് സേര്ച്ചിങ് നടന്നത് യുഎഇ, ഖത്തര്, ബഹറൈന്, ഒമാന്, കുവൈത്ത് എന്നീ രാജ്യങ്ങളില് നിന്ന്
നടി താരാ കല്യാണിനെ വ്യക്തിഹത്യ ചെയ്യാൻ വിൻസെന്റ് ഇകെഎം എന്ന വ്യാജ അക്കൗണ്ടിൽ നിന്ന് കഴിഞ്ഞ ദിവസമാണ് മകളുടെ വിവാഹവേളയിൽ പകർത്തിയ വിഡിയോയിലെ ഒരു രംഗം മോശമായി ചിത്രീകരിച്ച് പ്രചരിപ്പിച്ചത്. തനിക്കെതിരെ നടന്ന സൈബർ ആക്രമണത്തിൽ ലൈവിൽ വന്ന് പൊട്ടിക്കരയുകയായിരുന്നു താര കല്യാൺ. മലയാളികൾക്ക് ഏറെ നാണക്കേടുണ്ടാക്കിയ ഈ സംഭവത്തിന് പിന്നാലെ വീണ്ടും മലയാളികളുടെ തനിക്കൊണം പുറത്ത് വന്നിരിക്കുകയാണ്. ഇത് സംബന്ധിച്ച് ഗൂഗിള് നല്കുന്ന വിവരം ഏവരെയും ഞെട്ടിക്കുന്നതാണ്.
താരകല്യാണിന്റെ ലൈവിനെ സംബന്ധിച്ച് വാര്ത്ത എത്തിയത് മുതല് വിവാദ ചിത്രം തേടി നിരവധി പേരാണ് ഗൂഗിള് ഉൾപ്പടെയുള്ള സെര്ച്ച് എഞ്ചിനുകളിലും ഫേസ്ബുക്കിലും തിരഞ്ഞത്. മാര്ച്ച് അഞ്ചിന് ഉച്ചയ്ക്ക് 2.30 നാണ് ഫോട്ടോ തിരഞ്ഞ് തുടങ്ങിയത്. ഇതുവരെ ആരും ഗൂഗിളില് തിരച്ചില് നടത്തിയിട്ടില്ലാത്ത താരത്തിന്റെ പേര് നിമിഷ നേരത്തിനുള്ളില് ഗൂഗിളിന്റെ ട്രന്റിങ് ലിസ്റ്റില് ഇടംപിടച്ചു. വൈകുന്നേരവും രാത്രിയും മലയാളികള് ഭൂരിഭാഗവും ഈ ഫോട്ടോ അന്വേഷിക്കുകയായിരുന്നു. കിട്ടിയവരെല്ലാം തന്റെ പ്രിയപ്പെട്ടവർക്ക് ഏറെ സന്തോഷപൂർവ്വം വിവാദ ചിത്രം ഷെയർ ചെയ്ത് രസിച്ചു. എന്നിട്ട് മുതലക്കണ്ണീർ പൊഴിച്ചു.
ഇതിന്റെ വ്യക്തമായ കണക്കുകളെല്ലാം ഗൂഗിളിൽ ലഭ്യമാണ്. യുഎഇ, ഖത്തര്, ബഹറൈന്, ഒമാന്, കുവൈത്ത് എന്നീ രാജ്യങ്ങളില് നിന്നാണ് ഏറ്റവും കൂടുതല് സേര്ച്ചിങ് വന്നിരിക്കുന്നതെന്ന് റിപ്പോര്ട്ട് പറയുന്നു. താര കല്യാണ് വൈറല്, താര കല്യാണ് വൈറല് വിഡിയോ, താര കല്യാണ് വിഡിയോ, താരാ കല്യാണ് ലേറ്റസ്റ്റ് എന്നൊക്കെ ഗൂഗിളില് തിരഞ്ഞവരുണ്ടെന്നാണ് കണക്ക്.
വിൻസെന്റ് ഇകെഎം എന്ന വ്യാജ അക്കൗണ്ടിൽ നിന്ന് ഫെബ്രുവരി 24ന് താരാ കല്യാണിനെതിരായ, അപകീർത്തിപ്പെടുത്തുന്ന ഫോട്ടോ പുറത്തുവന്നത്. ഈ ഫോട്ടോ പിന്നീട് നിരവധി ഗ്രൂപ്പുകളിലും വാട്സാപ് വഴിയും പ്രചരിക്കുകയായിരുന്നു. അപകീർത്തിപ്പെടുത്തുന്ന കുറിപ്പോടെ പോസ്റ്റ് ചെയ്ത ഫോട്ടോയ്ക്ക് താഴെ അശ്ലീല കമന്റുകളും തെറിവിളികളുമായിരുന്നു. സമൂഹമാധ്യമങ്ങളിൽ എന്നെ കുറിച്ചുള്ള ഒരു ഫോട്ടോ വൈറലാകുന്നുണ്ട്. എന്റെ മകളുടെ കല്യാണം ഒറ്റയ്ക്ക് നടത്താനുള്ള ധൈര്യമില്ലാഞ്ഞിട്ടാണ് ഭഗവാനെ കൂട്ടുപിടിച്ച്, ഗുരുവായൂരപ്പന്റെ കൈപിടിച്ച് നടത്തിയത്. ആ വിവാഹത്തിനിടയിലെ ഒരു വിഡിയോ ക്ലിപ്പിന്റെ ഒരു ഭാഗമൊടുത്ത് ചിത്രമാക്കി വൈറലാക്കിയിരിക്കുന്നു.
അത് വൈറലാക്കിയ മഹാനോട് ചോദിക്കട്ടേ, നിന്റെയൊക്കെ മനസ്സ് കല്ലാണോ. നിനക്കുമില്ലേ വീട്ടിൽ അമ്മയൊക്കേ. ഈ ജന്മം ഞാനെന്ന വ്യക്തി ഒരിക്കലും നിന്നോട് പൊറുക്കില്ല. നിന്റെ അമ്മയ്ക്ക് എന്റെ ഗതികേട് വരാതിരിക്കട്ടേ. സമൂഹമാധ്യമങ്ങൾ നല്ലതാണ്. പക്ഷേ, ഇങ്ങനെ നിങ്ങൾ ആരോടും ചെയ്യരുത്. അത് പലരുടെയും ഹൃദംഭേദിക്കും. ഇത് പ്രചരിപ്പിക്കുകയും ആഘോഷമാക്കുകയും ചെയ്തവരെ വെറുക്കുന്നു. ഒരു സ്ത്രീയാണ് എന്നെങ്കിലും ഇതു ചെയ്യുന്നവർ ചിന്തിക്കണം’ എന്നായിരുന്നു കണ്ണീരണിഞ്ഞുകൊണ്ട് താരാ കല്യാൺ പ്രതികരിച്ചത്.
ഇതിന് പിന്നാലെ നടിക്ക് പിന്തുണയറിയിച്ച് സമൂഹത്തിന്റെ വിവിധ തുറകളിലുള്ള ധാരാളം പേര് രംഗത്ത് വന്നിരുന്നു. ഇതിന് നന്ദിപറഞ്ഞ് താരം രംഗത്തെത്തിരുന്നു. നിങ്ങളുടെ സപ്പോര്ട്ടിനും സ്നേഹത്തിനും സാന്ത്വന വാക്കുകള്ക്കും ഞാന് ആത്മാര്ഥമായി നന്ദി പറയുന്നു. ലൗ യു ഓള് വീണ്ടും മനസ്സിനെ സാന്ത്വനിപ്പിച്ച് ചിരിച്ച് മുന്നേറാന് ഇതൊരു പ്രേരണയാണെന്ന് കൂടി അറിയിച്ചോട്ടെ. മില്യണ് താങ്ക്സ് എന്നായിരുന്നു താരം കുറിച്ചത്. അന്തരിച്ച നടന് രാജാറാമിന്റെ ഭാര്യയാണ് താരാകല്യാണ്.ഫെബ്രുവരി 20-ന് ഗുരുവായൂര് ക്ഷേത്രത്തിലായിരുന്നു സൗഭാഗ്യയുടെ വിവാഹം.
https://www.facebook.com/Malayalivartha