മോഹൻലാൽ അവതാരകനായി എത്തിയ ബിഗ്ഗ്‌ബോസ് ഷോ രണ്ടാം ഭാഗം കോവിഡ് 19 നെ തുടർന്ന് കഴിഞ്ഞ മാസമാണ് അവസാനിപ്പിക്കേണ്ടി വന്നത്. മത്സരാർത്ഥികളെല്ലാം പുറത്തെത്തിയതോടെ താരങ്ങളുടെ വിശേഷങ്ങൾ അറിയാൻ കാത്തിരിക്കുകയാണ് ആരാധകർ. ഷോയിലെ ഏറ്റവും അടുത്ത സുഹൃത്തുക്കളായ മത്സരാര്‍ത്ഥികളായിരുന്നു വീണ നായരും ആര്യയും . എന്നാല്‍ ഷോയില്‍ ചില സന്ദര്‍ഭങ്ങളില്‍ ഇരുവരും തമ്മില്‍ തര്‍ക്കങ്ങള്‍ ഉണ്ടായിട്ടുണ്ട്. മാത്രമല്ല,ആര്യയുടെ വാക്കുകള്‍ കേള്‍ക്കതെ ഒറ്റയ്ക്ക് ഗെയിം കളിച്ചിരുന്നെങ്കില്‍ വീണയ്ക്ക് ഇടയ്ക്ക് വച്ച്‌ പുറത്തു പോകേണ്ടി വരില്ലായിരുന്നു എന്നും ചില ആരോപണങ്ങള്‍ ഉയര്‍ന്നിരുന്നു.

ഇപ്പോഴിതാ തന്റെ പ്രിയപ്പെട്ട കൂട്ടുകാരിയെ കുറിച്ച്‌ പറയുകയാണ് ആര്യ. ബിഗ് ബോസ് എപ്പിസോഡ് വീണ്ടും പുനസംപ്രേക്ഷണം ചെയ്യുന്നതിന്റെ ഭാഗമായി കഴിഞ്ഞ ദിവസത്തെ എപ്പിസോഡിനെ പറ്റി തന്റെ ഇന്‍സ്റ്റഗ്രാം സ്റ്റോറി സെക്ഷനിലൂടെ വിശദീകരിക്കുകയായിരുന്നു ആര്യ.'വീണയുമായി തനിക്ക് പന്ത്രണ്ട് വര്‍ഷത്തെ ബന്ധമാണ് ഉള്ളത്. ഞങ്ങള്‍ പരസ്പരം എല്ലാ കാര്യങ്ങളും സംസാരിക്കുകയും പങ്ക് വയ്ക്കുകയും ചെയ്യുന്ന വ്യക്തികളുമാണ്.

വീണ ഒരു കുഞ്ഞിക്കുട്ടിയെപോലെയാണ്. അത് ബിഗ് ബോസില്‍ എത്തിയപ്പോള്‍ തന്നെ എനിക്ക് മനസ്സിലായിരുന്നു. വളരെ ഇമോഷണല്‍ ആയിട്ടാണ് എല്ലാ കാര്യങ്ങളും അവള്‍ എടുക്കുന്നത്. മാത്രമല്ല പല കാര്യങ്ങള്‍ക്കും വാശിയും സങ്കടവും ദേഷ്യവും എല്ലാം ഉണ്ടായിരുന്നു. വീട്ടില്‍ പോകണമെന്നും വാശി. ഇത് ഇരുപത്തിനാല് മണിക്കൂറും കേള്‍ക്കുമ്ബോള്‍ ഞാന്‍ അവളെ മോട്ടിവേറ്റ് ചെയ്യുക മാത്രമാണ് നോക്കിയിട്ടുള്ളത്. കാരണം അവള്‍ക്ക് എത്രത്തോളം ആവശ്യമാണ് ഷോ എന്ന് എനിക്കറിയാമായിരുന്നു'- ആര്യ കുറിച്ചു.