കൊറോണ വൈറസ് ടൂറിസം രംഗത്തെയാകെ പിടിച്ചുലച്ചു കഴിഞ്ഞു. യാത്രകള്‍ ഇല്ലാതായതോടെ ടൂറിസം & ഹോസ്പിറ്റാലിറ്റി മേഖല പൂര്‍ണ്ണമായും നിശ്ചലമായി...ടൂറിസം തകർന്നപ്പോൾ അടിപറ്റിയത് ഹോസ്പിറ്റാലിറ്റി രംഗത്തിനു കൂടിയാണ് ...ഹോസ്പിറ്റാലിറ്റി രംഗത്തെ താരമായിരുന്ന ഒയോയ്ക്ക് കൊറോണ വൈറസ് കനത്ത തിരിച്ചടിയാണ് കൊടുത്തത്.എന്നാൽ തളർന്നിരിക്കാൻ ഒയോയുടെ സ്ഥാപകനായ റിതേഷ് അഗര്‍വാൾ തയ്യാറല്ല..

ഈ സാഹചര്യത്തില്‍ തന്റെ ബിസിനസ് തന്ത്രങ്ങളില്‍ മാറ്റം വരുത്തുകയല്ലാതെ മറ്റൊരു മാര്‍ഗ്ഗവുമില്ലെന്ന് 27കാരനായ റിതേഷ് അഗര്‍വാളിന് വ്യക്തമായി. ഇപ്പോഴത്തെ പ്രതിസന്ധി ട്രാവല്‍, ഏവിയേഷന്‍ മേഖലകളെയാണ് ഏറ്റവും ബാധിച്ചിരിക്കുന്നതെന്ന് അദ്ദേഹം പറയുന്നു. വിമാനത്തില്‍ പോകുന്ന യാത്രകള്‍ക്ക് പകരം ഡ്രൈവ് ചെയ്ത് പോകുന്ന വാരാന്ത്യയാത്രകള്‍ പോലുള്ളവയില്‍ ശ്രദ്ധയൂന്നുകയാണ് തങ്ങളെന്നാണ് റിതേഷ് അഗര്‍വാള്‍ പറഞ്ഞത് . ഈയിടെ നടന്ന ഇന്ത്യ ടുഡേ കോണ്‍ക്ലേവില്‍ സംസാരിക്കവെയാണ് അദ്ദേഹം ഒയോയുടെ ഭാവി പ്രവർത്തനങ്ങൾ വിവരിച്ചത്

കൊറോണ വ്യാപനം ഭയന്ന് ആളുകള്‍ വിമാനങ്ങളില്‍ യാത്ര ചെയ്യാന്‍ തയാറാകാത്ത സാഹചര്യമാണ് നിലവിൽ ഉള്ളത്. അതുകൊണ്ടുതന്നെ സ്വിറ്റ് സർലാൻഡും ഗോവയും മലേഷ്യയുമൊക്കെ ഹോളിഡേ ട്രിപ്പിൽ നിന്ന് ഔട്ടാകും. പകരം സ്വയം ഡ്രൈവ് ചെയ്ത് പോയി വരാവുന്ന വാരാന്ത്യയാത്രകള്‍ക്ക് പറ്റിയ ടൂറിസം കേന്ദ്രങ്ങള്‍ അവസരമാക്കാനുള്ള തയാറെടുപ്പിലായിരിക്കും കുടുംബങ്ങൾ... ” ഇവരെ സംബന്ധിച്ച് ഇനി കൂര്‍ഗ് ആയിരിക്കും പുതിയ സ്വിറ്റ്‌സര്‍ലന്റ്, ഗോവയായിരിക്കും പുതിയ തായ്‌ലന്റ്.

ഈ ട്രെന്‍ഡുകള്‍ കൃത്യമായി മുതലാക്കാനാണ് ഒയോ ശ്രമിക്കുന്നത് ...റിതേഷ് അഗര്‍വാള്‍ പറയുന്നു. കൊറോണവൈറസ് പ്രതിസന്ധി വന്നതോടെ ഒയോ ആയിരക്കണക്കിന് ജീവനക്കാരെ പിരിച്ചുവിടുകയുണ്ടായി. ആഗോളതലത്തില്‍ കമ്പനിയുടെ ലാഭക്ഷമത 50-60 ശതമാനം കുറഞ്ഞു

ഈ ഘട്ടത്തിലാണ് പുതിയ പദ്ധതികളെക്കുറിച്ച് ഒയോ മാറി ചിന്തിക്കുന്നത് വരുന്നത്.